என்னாது.. லலித் மோடி - சுஷ்மிதா சென் பிரிஞ்சிட்டாங்களா.. இன்ஸ்டா டிபி எப்படி மாறிச்சி பார்த்தீங்களா?
லண்டன்: லலித் மோடி சுஷ்மிதா சென் இடையே காதல் மலர்ந்ததாகவும், விரைவில் திருமணம் செய்ய உள்ளதாகவும் பேசப்பட்ட நிலையில், திடீரென அவர்கள் இருவரும் பிரேக் அப் செய்துள்ளதாக தகவல்கள் வெளியாகி வருகின்றன.
கிரிக்கெட் ரசிகர்களின் ஏகோபித்த ஆதரவுடன் சர்வதேச அளவில் புகழ் பெற்றுள்ள ஐபிஎல் கிரிக்கெட் போட்டித்தொடரை கடந்த 2008- ஆம் ஆண்டு முதன் முதலாக நடத்தியவர் லலித் மோடி.
தொழிலதிபருமான இவர் மீது முறைகேடு வழக்குகள் பதிவு செய்யப்பட்டதையடுத்து, தற்போது லண்டனில் வசித்து வருகிறார்.
லலித் மோடி
லண்டனில் வசித்து வரும் லலித் மோடிக்கும் பிரபல நடிகையும் முன்னாள் உலக அழகியுமான சுஷ்மிதா சென்னுக்கும் இடையே காதல் மலர்ந்ததாக கடந்த ஜூலை மாதம் செய்திகள் பரவின. இதை உறுதிப்படுத்தும் விதமாக லலித் மோடியும் சுஷ்மிதா சென்னும் மாலத்தீவு உள்ளிட்ட இடங்களுக்கு சென்று டேட்டிங் செய்ததோடு, ஜாலியாக புகைப்படங்களையும் எடுத்து மகிழ்ந்தனர்.
பதிலடி கொடுக்கும் வகையில்
இதை இருவரும் தங்களது இன்ஸ்டாகிராம் பக்கத்தில் பதிவிட்டு டிரெண்ட் செய்தனர். இணையத்தில் ஒரு தரப்பினர் இந்த ஜோடியை கடுமையாக டிரோல் செய்யவும் தொடங்கினர். எனினும், இதற்கெல்லாம் பதிலடி கொடுக்கும் வகையில் சுஷ்மிதா சென்னும் தனது இன்ஸ்டகிராம் பதிவில் அவ்வப்போது கருத்துக்களை பதிவிட்டு வந்தார்.
விரைவில் திருமணம் நடைபெறும்
கடந்த ஜூலை மாதம் 14 ஆம் தேதி லலித் மோடி தனது இன்ஸ்டாகிரம் பக்கத்தில், ''சுஷ்மிதா சென் உடன் நெருக்கமாக இருக்கும் புகைப்படங்களை பதிவிட்டு இருந்தார். அதோடு, சுஷ்மிதா சென்னுடன் புதிய வாழ்க்கையை தொடங்குகிறேன். அவரை காதலிக்கிறேன். விரைவில் திருமணம் நடைபெறும்'' என்று வெளிப்படையாக அறிவித்து இருந்தார். அதன்பிறகு அடிக்கடி இருவரும் ஒன்றாக சுற்றிவந்தனர்.
பிரேக் அப் ஆனதாக
கடந்த சில வாரங்களாக லலித் மோடி - சுஷ்மிதா சென் பற்றிய பேச்சுக்கள் அதிகம் எழாமல் இருந்த நிலையில் சில நாட்களாக இருவருக்கும் இடையே பிரேக் அப் ஆனதாக இணையத்தில் செய்திகள் கொடி கட்டி பறந்தன. இந்த நிலையில், இதை உறுதிப்படுத்தும் வகையில் லலித் மோடி நடவடிக்கைகள் அமைந்துள்ளன. லலித் மோடி தனது இன்ஸ்டாகிராம் புரொபைல் பிக்ஷராக சுஷ்மிதா சென்னுடன் இருந்த படத்தை வைத்திருந்த நிலையில், தற்போது அதை மாற்றி தன்னுடைய புகைப்படத்தை மட்டும் புரொபைல் பிக்ஷராக வைத்துள்ளார்.
விளக்கம் கொடுக்கவில்லை
அதேபோல் பயோவில் , சுஷ்மிதா சென் பெயரை நீக்கியுள்ளது பல்வேறு வகையில் வதந்திகள் பரவ காரணமாக அமைந்துள்ளது. சுஷ்மிதா சென்னும் லலித் மோடியும் பிரிந்து விட்டதாக செய்திகள் வெளியாகி வந்தாலும் இதுவரை லலித் மோடி தரப்பிலோ சுஷ்மிதா சென் தரப்பிலோ எந்த வித விளக்கமும் கொடுக்கப்படவில்லை.
Click it and Unblock the Notifications
Sign in with Google