சின்ன "கப் கேக்..." எளிமையாக 84வது பிறந்தநாள் கொண்டாடிய ரத்தன் டாடா தாத்தா

மிகப்பெரிய பிசினஸ் சாம்ராஜ்யத்தை நிறுவிய சக்கரவர்த்தி ரத்தன் டாடா தனது 84வது பிறந்தநாளை எளிமையான முறையில் கொண்டாடியுள்ளார்.

Updated: Thursday, December 30, 2021, 15:00 [IST]

Subscribe to Oneindia Tamil

மும்பை: இன்றைக்கு நாம் பயன்படுத்தும் குடிநீர், உப்பு, டீ, இரும்பு, தாது, தங்க நகைகள், கைக்கடிகாரம், கார், விமானம் என பிரம்மாண்ட பிசினஸ் சாம்ராஜ்யத்தை நிறுவியுள்ள ரத்தன் டாடா எளிமையான முறையில் தனது 84வது பிறந்தநாளை கொண்டாடியுள்ளார்.

Recommended Video

இவ்வளவு எளிமையா.. குட்டி கப் கேக் வெட்டிய ரத்தன் டாடா... வியப்பில் மக்கள்..!

டாடா குழுமங்களின் மூன்றாவது தலைவர் ரத்தன் டாடா. சூரத் நகரில் நாவல் டாடா சுனு தம்பதியருக்குப் பிறந்த ரத்தன் டாடா, ஹார்வர்டு பல்கலைக் கழகத்தில் மேற்படிப்புப் படித்து விட்டு ஐபிஎம் நிறுவனத்தில் பணியாற்றியவர்.

ஹர்வர்டில் இருந்து திரும்ப இந்தியாவுக்குத் திரும்பிய அவர், தனது குடும்ப வணிகத்தில் இறங்கினார். 31 ஆண்டுகள் கடுமையான உழைப்புக்குப் பிறகு, 1991ஆம் ஆண்டில் டாடா குழுத்தின் 3 வது தலைவரானார். ரத்தன் டாடா தலைவரான பிறகு டாடா குழுமம் அசுர வளர்ச்சி கண்டது.

பிசினஸ் உலகம்

இன்றைக்கு நாம் பயன்படுத்தும் குடிநீர், உப்பு, டீ, இரும்பு, தாது, தங்க நகைகள், கைக்கடிகாரம், கார், விமானம் என பிரம்மாண்ட பிசினஸ் சாம்ராஜ்யத்தை விரிவுபடுத்தினார்.

திருமண முடிவு

பிசினஸ் மீது தீவிர காதல் கொண்டதால் ரத்தன் டாடா இதுவரை திருமணம் செய்துக்கொள்ளவில்லை. 4 முறை திருமணம் செய்துக்கொள்ளும் முடிவு எடுத்தும் பல்வேறு காரணத்தால் திருமணம் செய்து கொள்ளவில்லை

தேசப்பற்று

டாடாவுக்கு இளகிய மனசு. தேசப்பற்றும் அதிகம். ஒரு முறை பாகிஸ்தான் அரசு, டாடாவின் சுமோ கார்களுக்குப் பெரிய ஆர்டர் ஒன்றை அளித்தது. எனது தயாரிப்பு ஒன்றுகூட பாகிஸ்தானில் விற்கக் கூடாது என்று பல கோடி ரூபாய் ஆர்டரை நிராகரித்தவர் டாடா.

சாதனை நாயகர்

எத்தனையோ விமர்சனங்களை எதிர்கொண்டாலும் அதை தனக்கு சாதகமாக மாற்றி வெற்றி பெறுவார்.
உங்கள் மீது எறியப்படும் கற்களைக் கொண்டு கட்டடம் எழுப்பப் பழகுங்கள் என்று சொன்னவர் ரத்தன் டாடா. இவர் மீது வீசப்பட்ட ஒவ்வொரு கற்களும் இன்று வைரமாய், தொழிற்துறையில் ஜொலித்துக் கொண்டுள்ளது.

நானோ கார்

உலகின் பணக்காரர்கள் வரிசையில் இடம் பிடித்திருந்தாலும், கர்வம் என்பது துளிகூட இல்லாதவர். மிகவும் எளிமையானவர். எத்தனையோ விலை உயர்ந்த கார்கள் ரத்தன் டாடாவிடம் இருந்தாலும் உள்ளூரில் பொது நிகழ்ச்சிகளுக்கு செல்லும் போது தனது தயாரிப்பான நானோ அல்லது நெக்ஸானில்தான் பயணிப்பாராம்.

எளிமையான பிறந்தநாள் கொண்டாட்டம்

டிசம்பர் 28ஆம் தேதி தனது 84வது பிறந்நாளை எளிமையாக கொண்டாடியுள்ளார். ஒரு சிறுவனுடன் சிறிய அளவில் கேக் வெட்டி பிறந்த நாள் கொண்டாடியுள்ளார் ரத்தன் டாடா. அந்த வீடியோ தற்போது இணையதளங்களில் வெளியாகியுள்ளது. ரத்தன் டாடாவிற்கு வயதானாலும் அதே கம்பீரம் குறையாமல் காணப்படுகிறார்.