புதுச்சேரி அரசியலில் ஆடுபுலி ஆட்டம்- பாஜக கூட்டணி அரசுக்கான ஆதரவை வாபஸ் பெறும் 3 சுயேட்சைகள்?

புதுச்சேரி: புதுச்சேரியில் பாஜக-என்.ஆர்.காங்கிரஸ் கூட்டணி அரசுக்கான ஆதரவை 3 சுயேட்சை எம்.எல்.ஏக்கள் திரும்பப் பெற உள்ளதாக தகவல்கள் வெளியாகி உள்ளது பெரும் பரபரப்பை ஏற்படுத்தி உள்ளது.

புதுச்சேரியில் மொத்தம் 30 சட்டசபை தொகுதிகள் உள்ளன. சட்டசபை தேர்தலில் என்.ஆர்.காங்கிரஸ் கட்சி 10 தொகுதிகளிலும் அதன் கூட்டணி கட்சியான பாஜக 6 தொகுதிகளிலும் வென்றன.

இத்தேர்தலில் திமுக 6 இடங்களிலும் காங்கிரஸ் 2 இடங்களிலும் வென்றது. மேலும் மொத்தம் சுயேட்சை எம்.எல்.ஏக்கள் 6 பேர் வெற்றி பெற்றனர். இவர்களில் 3 பேர் பாஜகவை ஆதரித்தனர். அத்துடன் நியமன எம்.எல்.ஏக்கள் 3 பேரை பாஜக நியமித்தது. இதனால் பாஜகவின் எம்.எல்.ஏக்கள் பலம் 12 ஆக அதிகரித்தது.

இந்த நிலையில் பாஜக-என்.ஆர். காங்கிரஸ் கூட்டணி அரசுக்கான ஆதரவை 3 சுயேட்சை எம்.எல்.ஏக்கள் வாபஸ் பெற உள்ளதாக கூறப்படுகிறது. வாரியத் தலைவர் பதவி உள்ளிட்ட தாங்கள் எதிர்பார்த்த எதுவும் கிடைக்காத நிலையில் 3 பேரும் இந்த முடிவை எடுத்துள்ளதாகவும் இது தொடர்பாக நேற்று சபாநாயகர் செல்வத்தை சந்தித்து பேசினார்.

மேலும் 3 பேரும் சுயேட்சை எம்.எல்.ஏக்களாக இருக்கப் போவதாகவும் கூறி உள்ளனர். இதனால் புதுச்சேரி அரசியலில் பெரும் பரபரப்பு ஏற்பட்டிருக்கிறது.

English summary

Sources saidt that 3 Independent MLAs to withdraw support to BJP in Puducherry.