''ஐயா..கேர்ள் பிரண்ட் லவ் பண்ண மாட்றா; நீங்கதான் ஹெல்ப் பண்ணனும்'' போலீஸ் கமிஷனரிடம் கூறிய இளைஞர்!
புனே: ''என் காதலுக்கு உதவி செய்யுங்கள்'' என்று போலீஸ் கமிஷனரிடம் இளைஞர் ஒருவர் கேட்டது சிரிப்பலையை ஏற்படுத்தியது.
இதற்கு சாமர்த்தியமாக பதில் கூறி அனைவரையும் வியப்பில் ஆழ்த்தினார் போலீஸ் கமிஷனர்.
மராட்டிய மாநிலம் புனே நகர போலீசார் ஒரு சிறப்பு குழு அமைத்து மக்களின் குறைகள் மற்றும் பிரச்னைகளை கேட்டறிந்து வருகின்றனர். இணையத்தில் இளைஞர்கள், பொதுமக்கள் இடையே எழும் பிரச்னைகளை கேட்டறிந்து அதனை தீர்த்து வருகின்றனர் காவல் துறையினர். போலீசாரின் இந்த செயலுக்கு மக்கள் மத்தியில் நல்ல வரவேற்பு காணப்படுகிறது.
புனே போலீஸ் கமிஷனர் அமிதாப் குப்தா, கடந்த திங்கட்கிழமை ட்விட்டரில் நேரலை வாயிலாக மக்களிடம் உரையாற்றினார். அப்போது அவர் உரையாற்றும்போது, ஒரு இளைஞர் அமிதாப் குப்தாவிடம், தான் தனது பெண் தோழியை காதலித்து வருவதாகவும், தன் காதலை அவர் ஒப்புக்கொள்ள ஏதேனும் உதவி செய்யுங்கள் என்றும் கேட்டார். இதனை சற்றும் எதிர்பாராத கமிஷனர் அமிதாப் குப்தா கொஞ்சம் ஆடித்தான் போனார்.
ஆனாலும் இதற்கு பதிலளித்த அமிதாப் குப்தா, அந்த பெண் சம்மதம் இன்றி நாம் எதுவும் செய்யமுடியாது. நீங்களும் அவர் விருப்பத்திற்கு மாறக எந்தொரு தவறான செயலில் ஈடுபடக்கூடாது.ஒருவேளை உங்கள் காதலுக்கு அவர் சம்மதம் தெரிவித்தால், எனது வாழ்த்துகளும் ஆசிர்வாதமும் எப்போதும் உங்களுக்கு இருக்கும் என்று தெரிவித்தார்.
Click it and Unblock the Notifications
Sign in with Google