பாரதிய ஜனதா என்பதற்கு அர்த்தமே தெரியாமல்தான் கட்சி ஆரம்பித்தோம்-இலங்கை பாஜக தலைவர் முத்துசாமி குபீர்
யாழ்ப்பாணம்: பாரதிய ஜனதா என்பது எந்த மொழி என்பதும் தெரியாது; இந்த சொல்லுக்கு அர்த்தமும் தெரியாது. பாரதிய ஜ்னதா என்பது பிடித்திருந்தது. அதனால் அந்த பெயரிலேயே கட்சி ஆரம்பித்துவிட்டோம் என்கிறார் இலங்கை பாஜக தலைவர் முத்துச்சாமி.
இலங்கையில் சிவசேனை என்ற அமைப்பு நடத்தி வருபவர் மறவன்புலவு சச்சிதானந்தன். அண்மையில் நமது ஒன் இந்தியா தமிழுக்கு அளித்த சிறப்பு பேட்டியில், இலங்கையில் பாரதிய ஜனதா கட்சி என்ற பெயரில் ஒரு கட்சி தொடங்கும் திட்டம் இருக்கிறது என்றார்.
மேலும் இந்தியாவில் தொடங்கப்பட்ட கட்சிகளின் பெயரில் இலங்கையில் எந்தெந்த கட்சிகள் உருவாகின என்கிற விவரத்தையும் நம்மிடம் பகிர்ந்து கொண்டார் சச்சிதானந்தன். இந்த நிலையில் யாழ்ப்பாணத்தில் செய்தியாளர்களிடம் பேசிய வீ. முத்துச்சாமி என்பவர் 6 மாதத்துக்கு முன்னரே பாரதிய ஜனதா கட்சி என்ற பெயரில் கட்சி தொடங்கிவிட்டோம் என்றார்.
அத்துடன் பாரதிய ஜனதா என்ற சொல்லுக்கு அர்த்தமே எங்களுக்கு தெரியாது. இந்த சொல் எந்த மொழிச் சொல் என்பதும் தெரியாது. ஆனால் கேட்பதற்கு நல்ல பெயராக இருந்தது. அதனாலேயே பாரதிய ஜனதா கட்சி என்ற பெயரில் கட்சியை தொடங்கிவிட்டோம் என்றார்.
மேலும் இலங்கை பாரதிய ஜனதா கட்சிக்கும் இந்தியாவில் உள்ள பாரதிய ஜனதா கட்சிக்கும் தொடர்பு இருப்பதாக ஊடகங்களில் செய்திகள் வெளியாகின. இதனால் எங்கள் கட்சியைவிட்டு 1,500 பேர் விலகியும் போய்விட்டனர். இது மிகவும் வருத்தம் தருகிறது என்றும் முத்துச்சாமி கூறினார்.
Click it and Unblock the Notifications
Sign in with Google