டெல்லி சென்று ஜனாதிபதியை சந்திப்போம் - தங்க தமிழ்செல்வன் - வீடியோ

தினகரன் ஆதரவு எம்.எல்.ஏக்கள் டெல்லி சென்று குடியரசு தலைவர் ராம்நாத் கோவிந்தை சந்திக்க உள்ளதாக தங்கதமிழ் செல்வன் எம்.எல்.ஏ கூறியுள்ளார்.

புதுச்சேரி: டெல்லி சென்று குடியரசு தலைவரை சந்திக்க உள்ளதாக தினகரன் ஆதரவு எம்.எல்.ஏ தங்கதமிழ் செல்வன் கூறியுள்ளார்.

அதிமுக அணிகள் இணைப்புக்கு எதிர்ப்பு தெரிவித்த தினகரன் ஆதரவு 19 எம்.எல்.ஏக்கள் கடந்த சில நாட்களுக்கு முன்பு ஆளுநர் வித்யாசாகர் ராவை சந்தித்தனர்.

அப்போது சட்டசபையை உடனே கூட்ட வலியுறுத்தி கடிதம் ஒன்றை அவர்கள் அளித்தனர். மேலும், அதில் முதல்வர் எடப்பாடி பழனிச்சாமிக்கு அளித்த ஆதரவை வாபஸ் வாங்குவதாக கூறினர்.

தினகரன் ஆதரவு எம்.எல்.ஏக்கள் கொடுத்த மனு மீது பொறுப்பு ஆளுநர் வித்யாசாகர் ராவ் இதுவரை நடவடிக்கை எடுக்கவில்லை. அதனால் நாளை டெல்லி சென்று குடியரசு தலைவர் ராம்நாத் கோவிந்தை சந்தித்து தங்கள் மனு மீது நடவடிக்கை எடுக்க வேண்டும் என வலியுறுத்தச் செல்வதாக தங்க தமிழ்செல்வன் கூறினார்.

தமிழக முதல்வர் எடப்பாடி பழனிச்சாமியும் துணை முதல்வர் ஓ.பன்னீர் செல்வமும் டெல்லி சென்றுள்ள நிலையில், தினகரன் தரப்பினரும் டெல்லி செல்வதாகக் கூறியுள்ளது பரபரப்பை ஏற்படுத்தியுள்ளது.

English summary

Dinkaran team MLAs planned to go Delhi to meet President of India and urge him to call assembly meeting.