ட்விட்டரில் உலக அளவில் ட்ரென்ட் ஆனார் கருணாநிதி!
கருணாநிதி ட்விட்டர் சமூக வலைதளத்தில் உலக அளவில் ட்ரென்ட் ஆகியுள்ளார்.
சென்னை: கருணாநிதி ட்விட்டர் சமூக வலைதளத்தில் உலக அளவில் ட்ரென்ட் ஆகியுள்ளார்.
திமுக தலைவர் கருணாநிதி கடந்த 10 நாட்களுக்கும் மேலாக சென்னை காவேரி மருத்துவமனையில் சிகிச்சை பெற்று வந்தார்.
அவ்வப்போது அவரது உடல்நிலையில் நலிவு ஏற்பட்டது. இந்நிலையில் நேற்று மாலை அவரது உடல்நிலை மோசமடைந்தது.
24 மணிநேரத்திற்கு பிறகுதான் கருணாநிதியின் உடல் நிலை குறித்து கணிக்கமுடியும் என நேற்றைய அறிக்கையில் தெரிவித்திருந்தது காவேரி மருத்துவமனை.
இந்நிலையில் 24 மணி நேரம் முடிவதற்குள்ளாகவே கருணாநிதி இயற்கை எய்திவிட்டார். மூத்த அரசியல் தலைவரான கருணாநிதியின் மறைவுக்கு குடியரசுத் தலைவர் ராம்நாத் கோவிந்த், பிரதமர் மோடி உள்ளிட்டோர் இரங்கல் தெரிவித்து வருகின்றனர்.
இந்நிலையில் கருணாநிதியின் மறைவால் அவரது பெயர் உலக அளவில் முதல் இடத்தல் ட்ரென்ட் ஆகியுள்ளது. மேலும் RIP Kalaignar என்பது உலகளவில் மூன்றாவது இடத்தில் ட்ரென்ட் ஆகியுள்ளது.