சிங்கிள் டிஜிட்டுக்கு காங்கிரஸை தூக்கி அடித்த திமுக... போட்டியிடும் வார்டுகளை பாருங்கள்!

சென்னை: உள்ளாட்சித் தேர்தலில் போட்டியிட உள்ள திமுக தனது முதலாவது வேட்பாளர் பட்டியலை இன்று வெளியிட்டது.

திமுக கூட்டணி கட்சியான காங்கிரஸ், இந்தியன் யூனியன் முஸ்லிம் லீக்குக்கான இடங்களும் அந்த பட்டியலில் அறிவிக்கப்பட்டுள்ளது. சட்டசபை தேர்தலின்போதே கூட்டணியில் இருந்த இக்கட்சிகளுக்கு, ஏனோ இம்முறை குறைந்த இடங்களே ஒதுக்கீடு செய்யப்பட்டுள்ளன.

காங்கிரஸ் வார்டுகளை பாருங்கள்:

தூத்துக்குடி மாநகராட்சியில் 6,25,35,39,50,58,59 ஆகிய 7 வார்டுகள் காங்கிரசுக்கு ஒதுக்கீடு செய்யப்பட்டுள்ளது. தூத்துக்குடி மாநகராட்சியில் இந்தியன் முஸ்லீம் லீக் கட்சிக்கு 20, 53 ஆகிய இரண்டு வார்டுகளை ஒதுக்கியுள்ளது.

சேலம் மாநகராட்சியில் 8,9,16,17,36 ஆகிய 5 வார்டுகள் காங்கிரசுக்கு ஒதுக்கீடு செய்யப்பட்டுள்ளது. சேலத்தில் 19-வது வார்டு இந்தியன் முஸ்லீம் லீக் கட்சிக்கு ஒதுக்கப்பட்டுள்ளது.

திருச்சி மாநகராட்சியில் 14,37,44 ஆகிய 3 வார்டுகள் காங்கிரசுக்கு ஒதுக்கீடு செய்யப்பட்டுள்ளது. திருச்சியில் உள்ள 5, 6, 19, 28, 35, 50, 54, 64, 65 ஆகிய வார்டுகள் குறித்த அறிவிப்பு பின்னர் அறிவிக்கப்படும்.

English summary

Less wards allotted to DMK alliance partner Congress for up coming localbody election.