பாலிவுட் பாட்டுக்கு மனைவியுடன் சேர்ந்து ஆடிய முஷாரப்: வைரலான வீடியோ

சென்னை: முன்னாள் பாகிஸ்தான் அதிபர் பர்வேஸ் முஷாரப் தனது மனைவியுடன் சேர்ந்து பிரபல பாலிவுட் பாடலுக்கு நடனமாடியபோது எடுக்கப்பட்ட வீடியோ இணையதளங்களில் வெளியாகி வைரலாகியுள்ளது.

பல்வேறு வழக்குகளில் கைது செய்யப்பட்டு வீட்டு சிறையில் இருந்த முன்னாள் பாகிஸ்தான் அதிபர் பர்வேஸ் முஷாரப் உடல்நலக் குறைவு காரணமாக சிகிச்சை பெற நாட்டை விட்டு கடந்த மார்ச் மாதம் வெளியேறினார்.

இந்நிலையில் அமெரிக்காவின் நியூயார்க் நகரில் இருக்கும் பஃபலோ பகுதியில் அவரது உறவினரின் திருமண நிகழ்ச்சியில் தனது மனைவியுடன் கலந்து கொண்டார்.

அந்த விழாவில் முஷாரபும், அவரது மனைவியும் பிரபல பாலிவுட் பாடலுக்கு நடனமாடினர். அப்போது எடுக்கப்பட்ட வீடியோ இணையதளங்களில் வெளியாகி வைரலாகியுள்ளது. வீடியோவை முஷாரபே ட்விட்டரில் வெளியிட்டுள்ளார்.

தனக்கு இருக்கும் நோய்க்கு பாகிஸ்தானில் சிகிச்சை இல்லை என்று கூறி நாட்டை விட்டு வெளியேறிய முஷாரப் ஆட்டம் போடும் வீடியோ பலரையும் வியக்க வைத்துள்ளது.

English summary

A viral video of former Pakistani President Pervez Musharraf dancing on a Bollywood song is doing rounds on social media. Musharraf has slipped out of the country in March.