தயாரிப்பாளர் சங்கத்தில் கேள்வி கேட்பது தவறா? நடிகர் விஷால் காட்டம்
சென்னை: தயாரிப்பாளர் சங்கத்தில் சிறிய தயாரிப்பாளர்கள் மீது அக்கறை கொண்டு கேள்வி கேட்பது தவறா என நடிகர் விஷால் கூறியுள்ளார்.
திரைப்பட நடிகர் விஷால் தயாரிப்பாளர் சங்கத்தில் இருந்து தற்காலிகமாக நீக்கம் செய்யப்பட்டுள்ளதாக தயாரிப்பாளர் சங்கம் அறிவித்துள்ளது. இந்த நிலையில், நடிகர் விஷால் இன்று மாலை சென்னை வடபழனியில் செய்தியாளர்களை சந்தித்தார். அப்போது அவர் கூறியதாவது: தயாரிப்பாளர் சங்கத்தில் இருந்து என்னை நீக்கியது குறித்த சரியான காரணம் எனக்கு தெரியவில்லை.
நீக்கப்பட்டதற்கான கடிதமும் எனக்கு வரவில்லை. கடிதத்தில் தலைவர், செயலாளர் கையொப்பம் எதுவும் இல்லை. நீக்கம் குறித்து ஊடகங்கள் வாயிலாகவே தெரிந்து கொண்டேன். தயாரிப்பாளர் சங்க தேர்தல் முறையாக நடைபெற வேண்டும்.
இந்த தேர்தலில் எங்கள் குழு சிறப்பாக செயல்படும். அனைத்து தயாரிப்பாளர்களுக்கும் நல்லது நடக்க வேண்டும் என குரல் கொடுத்து வருகிறேன். சிறிய தயாரிப்பாளர்கள் மீது அக்கறை கொண்டு கேள்வி கேட்பது தவறா? விஷால் என்ற தயாரிப்பாளருக்கு இந்த நிலைமை என்றால் சிறு தயாரிப்பாளர்கள் நிலைமையை எண்ணி பார்க்க வேண்டும். இவ்வாறு அவர் கூறியுள்ளார்.
Click it and Unblock the Notifications
Sign in with Google