தமிழகம் மற்றும் புதுச்சேரியில் இடியுடன் கூடிய மழை... வானிலை மையம் 'மகிழ்ச்சி' செய்தி!

தமிழகம் மற்றும் புதுச்சேரியில் இடியுடன் கூடிய மழை பெய்யலாம் என சென்னை வானிலை மையம் தெரிவித்துள்ளது.

சென்னை: தமிழகம் மற்றும் புதுச்சேரியில் இடியுடன் கூடிய மழை பெய்யலாம் என சென்னை வானிலை மையம் தெரிவித்துள்ளது.

சென்னை உட்பட தமிழகத்தின் பல்வேறு மாவட்டங்களிலும் கடந்த சில நாட்களாக வெயிலின் தாக்கம் அதிகமாக உள்ளது. இதனால் பகல் நேரங்களில் வீட்டை விட்டு வெளியே வரவே மக்கள் அஞ்சுகின்றனர்.

இந்நிலையில் வெப்பசலனம் காரணமாக தமிழகம் மற்றும் புதுச்சேரியில் இடியுடன் கூடிய மழை பெய்ய வாய்ப்புள்ளதாக சென்னை வானிலை மையம் தெரிவித்துள்ளது.

சென்னையில் இரவு நேரங்களில் இடியுடன் கூடிய மழை பெய்யலாம் என்றும் வானிலை மையம் கூறியுள்ளது. கடந்த 24 மணி நேரத்தில் அதிகளவாக கோவை மாவட்டம் சின்னக்கல்லாறில் 5 சென்டி மீட்டர் மழை பதிவாகியுள்ளது.

English summary

Chennai Meteorological center says Tamil Nadu and Puduchery may get thunder rain. There is a rain chance for Chennai at night times.