எச் 1 பி விசா விண்ணப்பம்.. அமெரிக்க தூதரகத்தின் முன் க்யூ ரெடி!

சென்னை: இன்று முதல் அமெரிக்க குடியுரிமை மற்றும் குடியேற்ற சேவைகளுக்கான எச் 1 பி விசாவுக்கான விண்ணப்பங்களை அமெரிக்க தூதரகம் பெற்றுக் கொள்வதாக அறிவித்துள்ளது.

இதைத் தொடர்ந்து ஏராளமானோர் அமெரிக்க தூதரகம் முன்பு வரிசையில் காத்திருக்க ஆரம்பித்துள்ளனர்.

தகவல் தொழில்நுட்ப பணியாளர்களிடையே மிகவும் எதிர்பார்க்கப்படும் அமெரிக்க குடியுரிமை மற்றும் குடியேற்ற சேவைகளுக்கான (யு.எஸ்.சி.ஐ.எஸ்.) H-1B விசாக்களுக்கான விண்ணப்பங்களை இன்று முதல் அமெரிக்கத் தூதரகம் பெறத் தொடங்கியுள்ளது.

இந்த ஆண்டு அக்டோபர் ஒன்றாம் தேதி முதல் செயல்பாட்டுக்கு வரும் 2015-ம் நிதியாண்டின் விசா அனுமதிக்கான எண்ணிக்கை 65,000 ஆக நிர்ணயிக்கப்பட்டுள்ளது.

வரும் 7-ம் தேதிக்குள்ளாகவே இரு பிரிவுகளுக்கும் தேவையான விண்ணப்பங்கள் பெறப்படும் என்ற நிலையில் ரேண்டம் தேர்வு முறையில் இதற்கான எண்கள் தேர்வு செய்யப்படும் என்று தூதரகத் தகவல்கள் தெரிவித்துள்ளன.

தேர்வு செய்யப்படாத விண்ணப்பங்கள் பதிவுக் கட்டணத்துடன் விண்ணப்பதாரர்களுக்கு திருப்பி அனுப்பப்படும்.

இதுமட்டுமின்றி அமெரிக்க முதுகலைப் பட்டம் அல்லது உயர்கல்வி குறித்து வரும் தனியார் விண்ணப்பங்களில் முதல் 20,000 விண்ணப்பங்கள் இந்த எண்ணிக்கையிலிருந்து விலக்கு பெறும் என்றும் தூதரகம் அறிவித்துள்ளது.

பிரிமியம் செயலாக்க விண்ணப்பங்களும் அதிக அளவில் வரும் என்று எதிர்பார்க்கப்படுவதால் அதற்குத் தகுந்தாற்போல் தங்களின் தேர்வுமுறைத் திட்டங்களை தூதரகம் செயல்படுத்தவுள்ளது. மொத்தம் 85,000 விசா அனுமதிகளுக்கு இந்த ஆண்டு 1,60,000 விண்ணப்பங்கள் வரக்கூடும் என்று எதிர்ப்பார்க்கப்படுகிறது.

இது கடந்த 2012-ம் ஆண்டில் 1,34,000 ஆகவும், கடந்த ஆண்டு 1,24,000 ஆகவும் இருந்தது. இந்த விண்ணப்பங்கள் கடந்த 2001-ம் ஆண்டில் உயர்ந்த பட்ச அளவாக 2,01,000 ஆக இருந்ததாக யுஎஸ்சிஐஎஸ் குறிப்பிடுகின்றது.

English summary

USCIS welcomes applications for the H1B visas for this financial year.