அடடே.. சுற்றுச்சூழல் மாசுபாட்டை குறைக்க.. கலெக்டர் செய்யும் செயலை பாருங்க.. குவியும் பாராட்டு!..செம!

Updated: Tuesday, December 21, 2021, 0:19 [IST]

Subscribe to Oneindia Tamil

மயிலாடுதுறை: மாறி வரும் காலநிலை மாற்றத்தால் சுற்றுச்சூழல் மாசுபாடு ஒவ்வொரு நாடுகளுக்கும் பெரும் சவாலாக விளங்குகிறது. இந்தியாவிலும் காலநிலை மாற்றம் பெரும் தலைவலியாக இருக்கிறது.

கலெக்டர் லலிதா

இதனை கன கச்சிதமாக கடைபிடித்தது வருகிறார் மயிலாடுதுறை மாவட்ட கலெக்டர் லலிதா. வாரத்தில் ஒருநாள் அவர் அரசு அலுவலகத்துக்கு பொது போக்குவரத்தில் வந்து செல்ல அவர் முடிவெடுத்துள்ளார். அதாவது இன்று நாஞ்சில் நாடு பகுதியில் உள்ள கலெக்டர் முகாம் அலுவலகத்தில் இருந்து 3 கிலோ மீட்டர் தூரம் தொலைவில் உள்ள மாவட்ட கலெக்டர் அலுவலகத்திற்கு அரசுப் பேருந்தில் வந்தடைந்தார் கலெக்டர் லலிதா.

நடந்தே வந்தார்

தொடர்ந்து அவர் பேருந்து நிறுத்தத்தில் இருந்து இறங்கி, அங்கு இருந்து சுமார் 500 மீட்டர் தொலைவில் உள்ள மாவட்ட ஆட்சியர் அலுவலகத்திற்கு நடந்தே வந்து சேர்ந்தார். அவர் மகளிருக்கான கட்டணமில்லா பேருந்தில் பயணம் செய்து அலுவலகம் வந்தது இதில் கூடுதல் அம்சமாகும். மாவட்ட கலெக்டருடன் அதிகாரிகளும் இன்று கலெக்டர் அலுவலகத்திற்கு அரசு பேருந்தில் டிக்கெட் எடுத்து வந்தடைந்தனர்.

அதிகாரிகளுக்கு முன்மாதிரி

வாரத்தில் ஒருநாள் இதுபோல் அனைத்து அதிகாரிகளும் பொதுப்போக்குவரத்தை பயன்படுத்த வேண்டும் என்று கலெக்டர் அன்புடன் கேட்டுக் கொண்டார். இப்போது அரசு அதிகாரிகள் சிலரே கால் தரையில் படாமல் விலை உயர்ந்த சொகுசு கார்களில் பகட்டாக வந்து இறங்கும் நிலையில், அவர்களுக்கு எல்லாம் முன்மாதிரியாக இருக்கிறார் கலெக்டர் லலிதா.

குவியும் பாராட்டு

கலெக்டர் லலிதாவின் இந்த செயலுக்கு பல்வேறு தரப்பினரும் பாராட்டுகளை குவித்து வருகின்றனர். இப்படி ஒரு நாள் மட்டும் பொது போக்குவரத்தில் வந்தால் சுற்றுச்சூழல் மாசுபாடு குறைந்து விடுமா? என்று கேள்வி கேட்பவர்களுக்கு, தமிழகத்தில் இப்படி ஒவ்வொருவரும் வாரம் ஒரு நாளில் இதனை செய்தால் கண்டிப்பாக காற்று மாசுபாடு குறையும் என்று தனது டிரேட் மார்க் புன்னகையுடன் பதில் தருகிறார் எளிமை கலெக்டர் லலிதா.