அறைக்குள் அரங்கேறிய ‘அந்த’ நடனம்! குஷியான திருச்சி ஒன்றிய சேர்மன்! யார் அந்த ‘மஞ்சள்’ சட்டை விஐபி..?

Updated: Friday, July 1, 2022, 17:09 [IST]

Subscribe to Oneindia Tamil

திருச்சி : திருச்சியில் கோவில் திருவிழாவிற்கு நடனம் ஆட வந்த நடன கலைஞர்களை தனி அறையில் வைத்து ஆபாசமாக நடனம் ஆட வைத்து பார்த்து ரசித்த திமுக நிர்வாகிகள் குறித்த வீடியோ காட்சிகள் சமூக வலைதளங்களில் வேகமாக பகிரப்பட்டு வருகிறது.

ஆபாச நடனம்

தற்போது ஆனி மாதம் என்பதால் தமிழகத்தில் பல்வேறு மாவட்டங்களில் உள்ள கிராமங்களில் கோவில்களிலும் சித்திரை திருவிழாக்கள் நடைபெற்று வருகின்றன. இந்த திருவிழாக்களில் காலம் காலமாக கலாச்சார ஆடல் பாடல் நிகழ்ச்சிகள் நடத்தப்படுவது வழக்கம். ஆடல் பாடல் நிகழ்ச்சிகள் நடத்தப்படுவதால் சில இடங்களில் சட்ட ஒழுங்கு பிரச்சனை ஏற்படுகிறது.

அதிர்ச்சி வீடியோ

சில மேடை நிகழ்வுகளில் ஆபாச பாடல்கள் ஒளிபரப்பு செய்யப்பட்டு அதற்கு ஆபாச நடன நிகழ்ச்சிகளும் நடைபெற்று வருகின்றன. திருச்சியில் கோவில் திருவிழாவிற்கு நடனம் ஆட வந்த நடன கலைஞர்களை தனி அறையில் வைத்து ஆபாசமாக நடனம் ஆட வைத்து பார்த்து ரசித்த திமுக நிர்வாகிகள் குறித்த வீடியோ காட்சிகள் சமூக வலைதளங்களில் வேகமாக பகிரப்பட்டு வருகிறது.

எம்.எல்.ஏ. மகன்

திருச்சியைச் சேர்ந்த ஒன்றிய சேர்மன் ஒருவர் அந்த தொகுதியில் நடைபெற்ற ஆடல்பாடல் நிகழ்ச்சியில் கலந்து கொண்டு தொடங்கி வைத்து பலருக்கு ஆச்சரியத்தை ஏற்படுத்தியுள்ளது. பொது இடங்களில் நடக்கும் ஆடல் பாடல் நிகழ்ச்சியில் ஆபாச அசைவுகளுக்கு தடைவிதித்து இருப்பதால் தனிப்பட்ட முறையில் ரசிப்பதற்கு என்று ஆடல்பாடல் குழுவினரை ஒரு அறைக்கு அழைத்து நடனமாட வைத்துள்ளனர்.

யார் இவர்?

பார்ப்பதற்கு மிகவும் அசிங்கமாக இருக்கும் வகையில் அறையில் அரங்கேறியுள்ள அந்த நடனக் காட்சிகளை சுற்றி அமர்ந்துள்ள நபர்கள் ஆரவாரத்துடனும், உற்சாகத்துடன் பார்த்து ரசிக்கின்றனர். அப்போது அவர்களுக்கு பின்னணியில் மஞ்சள் சட்டை அணிந்த ஒரு விஐபி அமர்ந்திருக்கிறார். தற்போது இந்த வீடியோ சமூக வலைதளங்களில் மிக வேகமாக பரவி வரும் நிலையில் யார் அந்த மஞ்சள் சட்டை விஐபி என்ற விவாதம் எழுந்துள்ளது.