திருச்செந்தூர் கும்பாபிஷேகம் LIVE: அரோகரா முழக்கத்துடன் சுப்பிரமணிய சுவாமி கோயிலில் குடமுழுக்கு

தூத்துக்குடி: புகழ்பெற்ற திருச்செந்தூர் சுப்பிரமணிய சுவாமி கோயிலில் இன்று குடமுழுக்கு நடைபெற்றது. காலை 6.05 மணிக்கு தொடங்கி 6.50 மணிக்குள் ராஜகோபுரம் கும்ப கலசங்களுக்கு மகா கும்பாபிஷேகம் நடைபெற்றது.

ராஜகோபுரம் கும்ப கலசங்களுக்கு கும்பாபிஷேகம் நடத்தப்படும் நேரத்தில், மூலவர், சண்முகர், வள்ளி, தெய்வானை, பெருமாள், நடராஜர் என அனைத்து பரிவார மூர்த்தி சுவாமிகளுக்கும் கும்பாபிஷேகம் நடைபெறுகிறது. அதிகாலை 12ஆம் கால யாகசாலை பூஜை நடைபெறும். கும்பாபிஷேகத்தை பக்தர்கள் எளிதாக கண்டுகளிக்கும் வகையில், பக்தர்களுக்கு சிறப்பு ஏற்பாடு செய்யப்பட்டிருக்கிறது. பக்தர்களின் பாதுகாப்புக்காக 6000 போலீசார் குவிக்கப்பட்டிருக்கின்றனர்.

லட்சக்கணக்கான பக்தர்கள் கும்பாபிஷேகத்தை காண குவிந்திருப்பதால், அவர்கள் ஒரே இடத்தில் குவிவதை தடுக்க ஆங்காங்கே எல்இடி திரைகள் அமைக்கப்பட்டிருக்கின்றன. அதேபோல கும்பாபிஷேக நீர், பக்தர்கள் மீது தெளிப்பதற்கு 20 ட்ரோன்கள் ஏற்பாடு செய்யப்பட்டிருக்கின்றன. பல மாவட்டங்களிலிருந்து பக்தர்கள் திருச்செந்தூர் வர சிறப்பு பேருந்துகள் இயக்கப்படுகின்றன. இந்த பேருந்துகள் நின்று செல்வதற்கு 3 தற்காலிக பேருந்து நிலையங்கள் திருச்செந்தூரில் அமைக்கப்பட்டிருக்கின்றன.

English summary

The renowned Thiruchendur Subramanya Swamy Temple is conducting the Kudamuzhuku (Maha Kumbabishekam) ceremony today. The sacred ritual began early morning between 6:05 AM and 6:50 AM, with the Maha Kumbabishekam performed for the Rajagopuram Kumbha Kalasams (sacred temple towers). This auspicious event marks a significant spiritual moment at the famous Murugan temple in Tamil Nadu.