பாமக 2.0.. வன்னியர்களுக்கு இட ஒதுக்கீடு.. தமிழக அரசு நிச்சயம் வழங்கும்.. அன்புமணி ராமதாஸ் நம்பிக்கை!

ராணிப்பேட்டை : வன்னியர்களுக்கான 10.5% இட ஒதுக்கீட்டினை தமிழக அரசு நிச்சயம் வழங்கும் எனவும், பாமக 2.0 eன்ற திட்டத்தின் மூலம் இளைஞர்கள் கிராமங்கள் தோறும் திண்ணைப் பிரச்சாரம் மேற்கொள்ள வேண்டும் என பாமக இளைஞரணி தலைவரும் நாடாளுமன்ற மாநிலங்களவை உறுப்பினருமான அன்புமணி ராமதாஸ் கூறியுள்ளார்.

ராணிப்பேட்டை மாவட்டம் வாலாஜாப்பேட்டையில் உள்ள தனியார் திருமண மண்டபத்தில் பாட்டாளி மக்கள் கட்சியின் பொதுக்குழு கூட்டம் நடைபெற்றது.

இந்த கூட்டத்தில் பாமக இளைஞரணி தலைவர் அன்புமணி ராமதாஸ் பங்கேற்று நிர்வாகிகளுக்கு ஆலோசனைகளை வழங்கினார்.

அன்புமணி ராமதாஸ்

அப்போது பேசிய அவர், "பாட்டாளி மக்கள் கட்சி இளைஞர்கள் அதிகளவில் உள்ளதாகவும், 2026 ல் தமிழகத்தில் பாட்டாளி மக்கள் கட்சி ஆட்சி அமைப்பதற்கான சூழல் ஏற்பட்டுள்ளது. இதற்காக PMK 2.0 என்ற புதிய திட்டத்தின் மூலம் இளைஞர்கள் கிராமங்கள் தோறும் திண்ணைப் பிரச்சாரம் மேற்கொள்ள வேண்டும் நிழல் நிதிநிலை அறிக்கை, நிழல் வேளாண் அறிக்கை போன்றவற்றை நிஜத்தில் தாக்கல் செய்ய வேண்டும்

வன்னியர் இட ஒதுக்கீடு

தமிழகத்தில் நிலவும் அனைத்து பிரச்சினைகளுக்கும் தங்களிடம் ஆக்கப்பூர்வமான தீர்வுகள் இருப்பதாக பேசினார். இதனைத் தொடர்ந்து செய்தியாளர்களையும் சந்தித்த அன்புமணி ராமதாஸ், உச்சநீதிமன்ற தீர்ப்பில் வன்னியர்களுக்கு 10.5% இடஒதுக்கீடு வழங்க தேவையான தரவுகளோடு தமிழக அரசு வழங்கலாம் என தெரிவித்துள்ளது

மிகப்பெரிய போரட்டம்

தமிழகத்தில் ஆட்சி அமைத்துள்ள திமுக நிச்சயம் வன்னியர்களுக்கான 10.5 சதவீத இட ஒதுக்கீட்டை வழங்கும், தமிழகத்தில் பெட்ரோல், டீசல், LPG, வீட்டு வரி ஆகிய விலைவாசி 145% உயர்ந்திருப்பதாகவும், உடனடியாக விலைவாசியை குறைக்க நடவடிக்கை எடுக்காவிட்டால் பாட்டாளி மக்கள் கட்சி சார்பில் மிகப்பெரிய போராட்டம் நடத்தப்படும்.

பாதுகாக்க வேண்டும்

காலநிலை மாற்றத்தால் இனிவரும் காலங்களில் தமிழகம் மிகப் பெரிய பிரச்சனைகளை சந்திக்க நேரிடும் எனவும், அதை தடுக்க பாலாற்றின் குறுக்கே 5 கிலோ மீட்டர் தூரத்திற்கு தடுப்பணை, நீர்நிலைகளை தூர்வாரி பாதுகாக்க வேண்டும் என பேசினார்.

English summary

Anbumani Ramadoss has said that the Tamil Nadu government will definitely provide 10.5% reservation for the Vanniyars and that the youth should campaign in every village through the Pmk 2.0 program.