அட சாமி! "இமயமலை" அளவு.. பூமிக்கு கிட்ட வரும் ஆஸ்டிராய்டு! மனிதர்களுக்கு ஆபத்தா? நாசா கூறுவது என்ன

வாஷிங்டன்: சுமார் 1.8 கிலோ கிலோமீட்டர் அகலமுள்ள அபாயகரமான ஆஸ்டிராய்டு விரைவில் பூமிக்கு மிக அருகே வரவுள்ளதாகத் தகவல் வெளியாகி உள்ளது.

இந்த விண்வெளியில் ஆஸ்டிராய்டுகள் எனப்படும் சிறுகோள்கள் தொடர்ந்து சுற்றிக் கொண்டே இருக்கும். இதுபோன்ற ஆஸ்டிராய்டுகளால் பெரும்பாலான நேரங்களில் பூமிக்கு எவ்வித ஆபத்தும் ஏற்படாது.

இந்த ஆஸ்டிராய்டுகள் அரிதினும் அரிய நிகழ்வாக சில சமயம் பூமியின் சுற்றுவட்டார பாதையில் நுழையும். அப்போதும் கூட பூமியை அடையும் முன்பு, அவை வெப்பத்தில் பஸ்பம் ஆகிவிடும்

இமயமலை

இதனிடையே சுமார் 1.8 கிலோமீட்டர் அகலமுள்ள அபாயகரமான சிறுகோள் ஒன்று சூரியனைச் சுற்றி வரும் பாதையில் பூமிக்கு அருகே வர உள்ளது. 1.8 கிலோமீட்டர் அகலம் என்றால், இமயமலை அளவு என்று கூறலாம். மணிக்கு 47,196 கிலோமீட்டர் வேகத்தில் நகரும் இந்த சிறுகோள் இந்த மாதம் இறுதியில் பூமிக்கு நெருக்கத்தில் வரும் என எதிர்பார்க்கப்படுகிறது. இதனால் பூமிக்கு எவ்வித ஆபத்தும் ஏற்படாது என்ற போதிலும், இதை அபாயகரமானதாக நாசா வகைப்படுத்தியுள்ளது.

1989 JA ஆஸ்டிராய்டு

இந்த ஆஸ்டிராய்டு கடந்த 1989ஆம் ஆண்டு முதலில் கண்டுபிடிக்கப்பட்டது. இதன் காரணமாக இது 1989 JA என்று பெயரிடப்பட்டது. இந்த ஆஸ்டிராய்டு பூமியின் சுற்றுப்பாதைக்கு அருகே வரும்போது தொலைநோக்கியின் உதவியுடன் இதைப் பார்க்க முடியும். பூமியில் இருந்து சுமார் 40,24,182 கிலோமீட்டர்கள் தொலைவில் இந்த ஆஸ்டிராய்டு வரும். இது பார்க்கத் தொலைதூரம் போல தோன்றினாலும் கூட பறக்கும் பொருளுக்கு இது ஆபத்தானது தான்.

1996ஆம் ஆண்டு

கடைசியாகக் கடந்த 1996ஆம் ஆண்டு இந்த ஆஸ்டிராய்டு பூமிக்கு மிக அருகில் வந்தது. அப்போது இந்த ஆஸ்டிராய்டு சுமார் 40 லட்சம் கிலோமீட்டர் தொலைவில் பூமியைக் கடந்து சென்றது. பூமியைக் கடந்த பிறகு, இந்த ஆஸ்டிராய்டு சூரியனைச் சுற்றி ஒரு வருட கால சுற்றுப்பாதையில் சுற்றும் என்பதால் இது அப்பல்லோ ஆஸ்டிராய்டு என வகைப்படுத்தப்பட்டு உள்ளது.

அடுத்து எப்போது

இந்த ஆஸ்டிராய்டு அடுத்து வரும் செப். 2029ஆம் ஆண்டு பூமிக்கு அருகே வரும். அதன் பின்னர் 2055 மற்றும் 2062 ஆகிய ஆண்டுகளில் இந்த ஆஸ்டிராய்டு பூமிக்கு அருகே வரும். ஆஸ்டிராய்டு என்பது சுமார் 4.6 பில்லியன் ஆண்டுகளுக்கு முன்பு சூரியக் குடும்பம் உருவான போது, எஞ்சிய பாறைத் துண்டுகள் ஆகும். இதுபோன்ற ஆஸ்டிராய்டுகளால் பூமிக்கு பெரும்பாலும் எவ்வித ஆபத்தும் இல்லை.

கவலைப்படத் தேவையில்லை

பூமியில் இருந்து சூரியனுக்கான தூரத்தை விட 1.3 மடங்கு குறைவான தூரத்தில் ஆஸ்டிராய்டு பூமியை நெருங்கும் போது, அது கவலைக்குரியதாகக் கருதப்படும் கடைசியாகப் பூமிக்கு அருகில் வந்த பெரிய ஆஸ்டிராய்டு 138971 (2001 CB21) ஆகும். இது 1.3 கிலோமீட்டர் அகலம் கொண்டது. இந்த ஆஸ்டிராய்டு கடந்த மார்ச் 4ஆம் தேதி பூமியில் இருந்து 49,11,298 கிலோமீட்டர் தொலைவுக்கு வந்தது. இந்த ஆஸ்டிராய்டு சூரியனை 400 நாட்களில் சுற்றி வருகிறது.

English summary

A 1.8-kilometer-wide potentially hazardous asteroid is set to come close to Earth: (பூமிக்கு மிக அருகில் வரும் இமயமலை அளவுக்குக் கொண்ட ஆஸ்டிராய்டு) Big asteroid is going to pass earth at a staggering speed of 47,196 kilometers per hour.