பூவே உனக்காக ராஜாவா?.. பீஸ்ட் வீர ராகவனா?.. அரசியல் மெசேஜ் சொன்ன நடிகர் விஜய்.. ரசிகர்கள் ஹேப்பி!

Updated: Sunday, April 10, 2022, 23:59 [IST]

Subscribe to Oneindia Tamil

சென்னை: பூவே உனக்காக விஜய்யா இருக்கணுமா இல்லை பீஸ்ட் விஜய்யா இருக்கணுமா என்பதை யார் முடிவு செய்ய வேண்டும் என்பதை நடிகர் விஜய் தனது பேட்டியில் தெரிவித்துள்ளார்.

அடுத்த கட்டம்

அடுத்த கட்டமாக தலைவனாக்கும் ஆசையில் இருக்கிறார்கள். உங்களுக்கு தளபதியாக இருக்க வேண்டுமா இல்லை தலைவனாக இருக்க வேண்டுமா, உங்கள் ஆசை என்ன? என விஜய்யிடம் நெல்சன் கேள்வி எழுப்பினார். அதற்கு விஜய் முதலில் சிரித்தார்.

தளபதி ரசிகர்கள்

பின்னர் அவர் பதிலளிக்கையில் தளபதி என ரசிகர்கள்தான் அழைத்து வருகிறார்கள். எனக்கு விஜய்யாக இருக்கத்தான் பிடிக்கும். தளபதியாக இருக்கும் என்னை தலைவனாக்க ரசிகர்கள்தான் விரும்புகிறார்கள். இது அவர்களுடைய விருப்பம். தலைவனாகும் தேவை எழும்போது பார்க்கலாம்.

தலைவன்

மேலும் தலைவனாவதற்கு சூழலும் அமைய வேண்டும். எனவே நான் பூவே உனக்காக படத்தில் வரும் விஜய்யாக இருக்க வேண்டுமா இல்லை, பீஸ்ட் படத்தில் வரும் விஜய்யாக இருக்க வேண்டுமா என்பதை சூழல்தான் முடிவு செய்ய வேண்டும் என்றார். எனவே அரசியல் கட்சி தொடங்க வேண்டும் என்ற சூழல் வந்தால் நிச்சயம் அவர் தொடங்குவார் என்பதுதான் இதன் அர்த்தம்.

பூவே உனக்காக

மேலும் பூவே உனக்காக படத்தில் மிகவும் சாப்ட்னான விஜய்யை நாம் பார்த்தோம். ஆனால் பீஸ்ட் படத்தில் அப்படியல்ல, டிரெய்லரே தாறுமாறாக உள்ளது. காவி நிறத்தை கத்தியை கொண்டு விஜய் கிழிப்பதும் போன்றும் ஒரு மாலை கையகப்படுத்தியவர்களை அடித்து துவம்சம் செய்வதும் என பீஸ்ட்டில் நடித்துள்ளார்.

விஜய் அரசியல் கட்சி

பீஸ்ட் படத்தின் வெற்றிக்கு பிறகு விஜய் அரசியல் கட்சியை தொடங்குவார் என எதிர்பார்க்கப்படுகிறது. அரசியல் கட்சியை தொடங்குவதற்கான நேரமும் சூழலும் அமைந்துவிட்டால் அடுத்தது கட்சி தொடக்கம்தான். இந்த பேட்டியிலிருந்து விஜய் அரசியலுக்கு வர மறுக்கவில்லை என்பது தெள்ளத் தெளிவாக தெரிகிறது.