நந்தினி செய்தது எனக்கே பிடிக்கவில்லை..கோபமாகத்தான் இருக்கிறது..பிறகு தான் நினைவு வந்தது கணவர் கூறியது

சென்னை: பிக் பாஸ் தமிழ் சீசன் 6 நிகழ்ச்சியில் இருக்கும் நந்தினி செய்த செயல் எனக்கே பிடிக்கவில்லை என்று பல தகவல்களை அவருடைய கணவர் யோகேஷ் கூறியிருக்கிறார்.

கடந்த வாரத்தில் கூட கமல் நந்தினிக்கு அட்வைஸ் கொடுத்திருந்த நேரத்தில் அவரைப் பற்றிய பல ரகசியங்களை கணவர் ரசிகர்களிடம் பகிர்ந்து இருக்கிறார்.

கணவர் கூறிய தகவல்கள்

பிக் பாஸ் நிகழ்ச்சியில் எதிர்பாராததை எதிர்பாருங்கள் என்பது போல் தான் ஒவ்வொரு நாளும் நடந்து வருகிறது. ஆரம்பத்தில் 21 போட்டியாளர்கள் கலந்து கொண்ட நிலையில் தற்போது 10 போட்டியாளர்கள் மட்டுமே உள்ளே இருந்து வருகின்றனர். 11 வது வாரத்தில் ஒளிபரப்பாகிக் கொண்டிருக்கும் நிலையில் ரசிகர்களின் அதிகமான எதிர்பார்ப்பில் களம் இறங்கிய மைனா நந்தினி இந்த நிகழ்ச்சியில் செய்வதை குறித்து பலரும் சமூக வலைத்தளத்தில் கலாய்த்து வருகின்றனர். அதை குறித்து அவருடைய கணவர் பல்வேறு தகவல்களை கூறியிருக்கிறார்.

கேரக்டரே இதுதான்

ஆரம்பத்தில் இருந்து மைனா நந்தினி செய்யும் செயல்களை ஒரு சிலர் கலாய்த்து வரும் நிலையில் இத்தனை வருடங்களாக மைனா உடன் பழகிய எனக்கு அவர் மீது கோபம் வர தொடங்கிவிட்டது. எதற்காக இப்படி செய்கிறார் என்று என்னை அறியாமலே நினைக்கத் தொடங்கி விட்டேன். அதற்கு பிறகு தான் எனக்கே தெரிந்தது மைனாவின் கேரக்டரை இதுதானே என்று, எனக்கே மறந்து விட்டது. ஆனால் அதை பிக் பாஸ் நிகழ்ச்சியில் பார்ப்பவர் எப்படி புரிந்து கொள்வார்கள்? மைனா அவருடைய கேரக்டரில் தான் எப்போதும் இருந்து வருகிறார். அவர் அங்கே நடித்துக் கொண்டிருந்தால் அனைவருக்கும் பிடித்த விதமாக நடித்துக் கொண்டிருக்கலாம்.

கஷ்டமாகத்தான் இருக்கிறது

மைனா என்ன மாதிரி கோபத்தில் இருந்தாலும் யாரிடமும் திட்டிவிட்டு அடுத்த சில நிமிடங்களில் அதை மறந்து விடுவார். அது மட்டுமல்லாமல் என்னதான் அழுது கொண்டிருந்தாலும் அப்போதும் அவர் சிரித்து விடுவார். இந்த மாதிரி இருப்பதால்தான் எனக்கே மைனாவை ரொம்பவே பிடித்தது. ஆனால் பிக் பாஸ் வீட்டிற்குள் இவர் செய்வதை பார்த்து பலர் இவர் நடிக்கிறார் எப்போதும் ஒருவரால் எப்படி காமெடி செய்து கொண்டிருக்க முடியும் என்று கேட்கிறார்கள். அதுவும் குறிப்பாக அவருக்கு நன்கு பழக்கமான நண்பர்களாக இருந்த மணிகண்டன் மற்றும் அமுதவாணன் கூட சில நேரங்களில் இதே கேள்விகளை கேட்கிறார்கள் இது கஷ்டமாகத்தான் இருக்கிறது என்று கூறியிருக்கிறார்.

மாற்றம் நடக்கும் என எதிர்பார்ப்பு

ரசிகர்கள் பலர் கமல் பேசும்போது கூட எப்போதும் நக்கலாக மைனா பேசுவதாக கூறி வருகிறார்கள். ஆனால் மைனா எப்போதுமே நிஜத்தில் இப்படித்தான் பேசிக் கொண்டிருப்பார். அது போலவே அங்கேயும் பேசுகிறார். அவர் அவ்வளவு பெரிய கலைஞர் அவர் முன்பு இப்படி பேசக்கூடாது என்பது தெரிந்திருந்தாலும், அவளை மீறியும் அவளுடைய கேரக்டர் வெளியே வந்து விடுகிறது. ஆனாலும் கடந்த வாரத்தில் கமல் செத்த வீட்டில் போய் காமெடி பண்ணிக்கொண்டு இருக்கக் கூடாது என்று அறிவுரையும் திட்டலையும் ஒருசேர கொடுத்து இருப்பதை பார்த்து இனி மைனா மாறிவிடுவார் என்று நினைக்கிறேன் என்று கூறி இருக்கிறார்.

English summary

Her husband Yogesh has told many things that Nandini did not like what she did in Bigg Boss Tamil Season 6.Even last week when Kamal gave advice to Nandini, her husband shared many secrets about her to the fans.