வெற்றி பெற்ற அசீமிற்கு கூட இது கிடைக்கவில்லையே... ஆனால் விக்ரமனுக்கு கிடைத்த சப்போர்ட்!?
சென்னை: பிக் பாஸ் தமிழ் சீசன் 6 நிகழ்ச்சியில் வின்னராக அசீம் தேர்வாகி இருக்கிறார்.
ரன்னராக யாரும் எதிர்பார்க்காத விதமாக விக்ரமன் தேர்வாகி இருக்கிறார்.
அசீம் வெற்றி பெற்ற பிறகும் அவருடைய வெற்றியை நெட்டிசன்கள் பலரும் கலாய்த்து கொண்டிருக்கின்றனர்.
இந்த நிலையில் விக்ரமன் வெற்றி பெறாவிட்டாலும் அவருக்கு தொடர்ந்து அதிகமான ஆதரவு கிடைத்துக் கொண்டிருக்கிறது.
நழுவிய வெற்றி
பிக் பாஸ் தமிழ் சீசன் 6 நிகழ்ச்சியின் முடிவு எதிர்பாராததை எதிர்பாருங்கள் என்று பிக் பாஸ் கூறும் தாரக மந்திரத்தின் அடிப்படையில் நடைப்பெற்று இருப்பதாக தெரிகிறது. அதிகமான சப்போர்ட் சமூக வலைத்தளத்தில் விக்ரமனுக்கு இருந்தாலும் கடைசி நேரத்தில் அசீமிற்கு டைட்டில் கொடுக்கப்பட்டிருக்கிறது. இது பிக் பாஸ் ரசிகர்களின் மத்தியில் பெரும் ஏமாற்றத்தை கொடுத்திருக்கிறது. இதன் காரணமாக நேற்று இரவில் இருந்து அதிகமான நெகட்டிவ் கருத்துக்கள் பிக்பாஸ் மற்றும் விஜய் டிவியை எதிர்த்து பரவி வருகிறது. இந்த நிலையில் வெற்றி மறுக்கப்பட்டாலும் எங்களுடைய ஆதரவு இருக்கிறது என்பதை விக்ரமனுடைய ரசிகர்கள் தொடர்ந்து நிரூபித்து வருகின்றனர்.
ரசிகர்களின் ஆதரவு
பிக் பாஸ் நிகழ்ச்சிக்கு பிறகு விக்ரமன் சிரித்த முகமாக வெளியிட்ட புகைப்படத்தை ரசிகர்கள் பலர் பகிர்ந்து அவரை பாராட்டிக் கொண்டிருக்கின்றனர். இன்னும் அதிகமான ரசிகர்கள் விக்ரமனை நேரடியாக சந்தித்து அவருக்கு மாலை மரியாதையோடு வரவேற்பு ஏற்படுத்தி இருக்கின்றனர். வீட்டிற்க்கே அதிகமான ரசிகர்கள் சென்று அவருக்கு ஆரத்தி எடுத்து அவரை விமர்சனமாக வரவேற்று இருக்கின்றனர். ரோஜா பூ மாலை, செவ்வந்தி பூ மாலை என விதவிதமான மாலைகளோடு விக்ரமனுக்கு பெரிய அளவில் வரவேற்பு ஏற்பாடு செய்யப்பட்டிருக்கின்றனர்.
பிரியாணி கொண்டாட்டம்
இந்த நிலையில் இன்று பிக் பாஸ் ரசிகர்கள் மட்டுமில்லாமல் விக்ரமனின் நண்பர்கள் அனைவரும் பிக் பாஸ் நிகழ்ச்சிக்கு பிறகு விக்கிரமனோடு சேர்ந்து பிரியாணி சாப்பிட்டு அதுவும் பீப் பிரியாணி சாப்பிட்டு மகிழ்ச்சியை கொண்டாடி இருக்கின்றனர். தொடர்ந்து சமூக வலைத்தளத்தில் விக்ரமன் ட்ரெண்டிங்கில் இருந்து வருகிறார். ஒருவேளை இந்த சீசன் டைட்டில் வின்னராக விக்ரமன் ஆகி இருந்தால் கூட இவ்வளவு பேர் அவருக்கு பாராட்டு தெரிவித்து இருப்பார்களா என்பது சந்தேகம்தான். ஆனால் இவருடைய தோல்வியை பலரால் ஏற்றுக் கொள்ள முடியவில்லை என்பது சமூக வலைத்தளத்தில் வெளிப்படையாக தெரிகிறது.
விரைவில் பாராட்டு விழா
இந்த நிலையில் விக்ரமனுடைய ரசிகர்கள் பலர் ஒன்று சேர்ந்து விக்ரமனுக்கு பெரிய அளவில் வரவேற்பு ஏற்படுத்த வேண்டும் என்று சமூக வலைத்தளத்தில் ஆதரவு திரட்டி வருகின்றனர். ரசிகர்கள் அதிகமானோர் தொடர்ந்து இந்த குரூப்பில் சேர்ந்து வருவதால் ஏற்கனவே டைட்டில் ஜெயித்த அசீமிற்கு கூட இந்த அளவிற்கு வரவேற்பு கிடைக்கவில்லை. ஆனால் தோற்றாலும் நேர்மையோடு இருந்ததால் விக்ரமனுக்கு அதிகமான வரவேற்பு கிடைத்து வருகிறது என்று தொடர்ந்து கருத்து குவிந்து வருகிறது.
Click it and Unblock the Notifications
Sign in with Google