பல புதுமுகங்களுடன் களமிறங்கும் குக் வித் கோமாளி 3...அஸ்வினுக்கு பதிலாக சன்டிவி ஹீரோவா??

Updated: Saturday, January 8, 2022, 16:42 [IST]

Subscribe to Oneindia Tamil

சென்னை: விஜய் டிவியில் ஒளிபரப்பாக இருக்கும் குக் வித் கோமாளி நிகழ்ச்சியில் கலந்துகொள்ளும் போட்டியாளர்களின் விவரம் வெளிவந்துள்ளது.

மாற்றம் கொடுக்கும் நிகழ்ச்சி

விஜய் டிவியில் ஒளிபரப்பாகி வரும் ஒருசில ரியாலிட்டி ஷோக்கள் ரசிகர்களின் மத்தியில் நல்ல வரவேற்பை பெற்று விடுகிறது. இந்த நிகழ்ச்சியில் கலந்து கொண்ட போட்டியாளர்களின் வாழ்க்கையும் வேற லெவலில் வளர்ச்சி அடைகிறது. அந்த வகையில் ஒரு முக்கியமான நிகழ்ச்சியாக இருக்கும் குக் வித் கோமாளி நிகழ்ச்சி இருந்து வருகிறது. இந்த நிகழ்ச்சியின் வெற்றியை தொடர்ந்து தான் தற்போது இரண்டு சீசன்கள் முடிவடைந்து, மூன்றாவது சீசன் தொடங்க இருக்கின்றது. இதில் கலந்துகொண்ட போட்டியாளர்கள் ஒவ்வொரு சீசனிலும் தங்களுடைய திரைத்துறை வாழ்க்கையில் முன்னேற்றத்தை அதிகளவு சந்தித்து வருகின்றனர்.

மனம் கவர்ந்த போட்டியாளர்கள்

ஆரம்பத்தில் இந்த நிகழ்ச்சியில் கலந்து கொள்வதற்கு முன்பு பல போட்டியாளர்களின் வாழ்க்கை எப்படியோ இருந்தாலும், இந்த நிகழ்ச்சியில் கலந்து கொண்ட பிறகு பலருடைய வாழ்க்கை டாப்பில் வலம் வந்து கொண்டிருக்கிறது. இந்த வகையில் இதில் கலந்து கொள்வதற்காக போட்டியாளர்கள் இடம் தற்போது ஆர்வம் அதிகரித்து இருக்கிறது. இந்த நிகழ்ச்சியை பார்ப்பதற்காக ரசிகர்கள் மிகுந்த ஆர்வத்தோடு காத்திருப்பதால் தான் நிகழ்ச்சிக்கு அதிக அளவில் வரவேற்பு ஏற்பட்டு இருக்கிறது. ஒவ்வொரு சீசனிலும் மனம் கவர்ந்த போட்டியாளராக ஒரு சிலர் இருக்கின்றனர்.

போட்டியாளர்களின் விவரம்

தற்போது மூன்றாவது சீஸனில் யாரெல்லாம் கலந்து கொள்ள போகிறார்கள் என்று ரசிகர்களின் மத்தியில் ஆர்வம் அதிகரித்துள்ளது. இந்த நிலையில் ஒருசில போட்டியாளர்களின் பெயர்கள் தற்போது நம்பத்தகுந்த வகையில் வெளியாகி இருக்கின்றது. அந்த வகையில் முதல் ஆளாக பாரதி கண்ணம்மா சீரியல் மூலம் பிரபலமான ரோஷ்னி ஹரிப்ரியன் இந்த நிகழ்ச்சியில் ஒரு குக் கலந்துகொள்ள இருக்கிறார். அவரைத் தொடர்ந்து செந்தூரப்பூவே சீரியலில் நடித்துக் கொண்டிருக்கும் ஸ்ரீநிதி கலந்து கொள்கிறார். அதுமட்டுமல்லாமல் சன் டிவியில் ஒளிபரப்பாகி வரும் சித்தி சீரியலின் கதாநாயகன் நந்தன் இந்த நிகழ்ச்சியில் கலந்து கொள்கிறார். இந்த செய்தியை கேட்டதும் பலர் அஸ்வினுக்கு பதிலாக நந்தனா என்று கேள்விகளை எழுப்பி வருகின்றனர்.

புதிய கோமாளிகள்

அதுமட்டுமல்லாமல் சின்னத்திரை, வெள்ளித்திரை என தன்னுடைய காமெடி திறமையால் அனைத்திலும் கலக்கி வரும் மனோபாலா இதில் கலந்து கொள்கிறார் என்று செய்திகள் பரவி வருகிறது. அவரை தொடர்ந்து சுரேஷ் சக்ரவர்த்தி, அமீர், ஐஸ்வர்யா பாஸ்கர், அசுரன் படத்தில் பிளாஷ்பேக்கில் வந்த அம்மு ஆகியோர் இருக்கின்றனர் என்று செய்திகள் வைரலாகி வருகின்றனர். அதைப்போல கோமாளி லிஸ்டில் புதியதாக பரத் இணைந்துள்ளார். அதுமட்டுமல்லாமல் மூக்குத்தி முருகன் சூப்பர் சிங்கரில் கலக்கிக் கொண்டிருக்கும் இவர் இந்த நிகழ்ச்சியில் கலந்து கொள்கிறார் என்று செய்திகள் பரவி வருகின்றது.