கார்த்திக் ராஜ் வீட்டு முன்பு ரசிகைகள் செய்த செயல்..என்னம்மா இப்படி இறங்கிட்டீங்க??

Published: Friday, January 7, 2022, 17:10 [IST]

Subscribe to Oneindia Tamil

சென்னை: கார்த்திக் என்ற பெயரை வைத்து இருந்தால் இப்படியா??என்று சொல்லுமளவிற்கு தற்போது சமூக வலைத்தளத்தில் வைரலாக வீடியோ ஒன்று பரவி வருகிறது.

சின்னத்திரையில் கதாநாயகன்

சின்னத்திரையிலும் ஒருசில நடிகர்கள்தான் வெள்ளித்திரை நடிகர்களை போன்று வலம் வந்து கொண்டிருக்கிறார்கள். அந்தவகையில் ஒருவராக இருக்கும் கார்த்திக் ராஜ் கனா காணும் காலங்கள், ஆபீஸ், செம்பருத்தி போன்ற ஹிட் சீரியல்களில் நடித்து அனைத்து தரப்பு ரசிகர்களையும் அதிகமாக கவர்ந்து விட்டார். அதுவும் பெண் ரசிகர்களை தன்னுடைய நடிப்பால் தனக்கு ரசிகர்களாக மாற்றியிருக்கிறார். இவருடைய க்யூட்டான நடிப்பு பல பெண்களுக்கும் ஃபேவரைட் என்று கூறிவருகின்றனர். இவர் செம்பருத்தி சீரியலில் இருந்து விலகிய பிறகு பலபேர் அந்த சீரியல் பார்ப்பதை விட்டு விட்டார்களாம்.

வெள்ளித்திரையில் காலடி வைத்தல்

சின்னத்திரையில் அதிகமாக ரசிகர்களை கவர்ந்த ஒரு நடிகராக இருக்கும் கார்த்திக் ராஜ் தற்போது வெள்ளித் தரையில் காலடி எடுத்து வைத்திருக்கிறார். இவருடைய வளர்ச்சி பிடிக்காத ஒரு சிலர் இவர் தொடர்ந்து செம்பருத்தி சீரியலில் நடிக்க விடாமல் செய்து கொண்டிருப்பதாக இவர் சமீபத்தில் ஒரு வீடியோவை வெளியிட்டிருந்தார். இந்த வீடியோவை பார்த்து அவருடைய தீவிரமான ரசிகர்கள் பலர் கொந்தளித்து வந்தனர். அதுமட்டுமல்லாமல் தான் தனியாகவே இனி திரைப்படத்தை எடுக்கப் போவதாகவும், அதற்கு ரசிகர்கள் உதவவேண்டும் என்றும் கூறியிருந்தார். இவருடைய நம்பிக்கையை இவருடைய ரசிகர்கள் நிறைவேற்றிக் கொண்டிருக்கின்றனர்.

உதவி செய்த ரசிகர்கள்

கார்த்திக் மீது வைத்திருக்கும் பாசத்தின் காரணமாக பல ரசிகர்கள் தங்களால் முடிந்த உதவிகளை அவருடைய கே ஸ்டுடியோவிருக்கு அனுப்பி வருகின்றனர். தனக்கு பிடித்த ஹீரோவின் வளர்ச்சிக்காக தங்களால் முடிந்த உதவிகளையும் ரசிகர்கள் பலர் செய்து வருகின்றனர். இவருடைய திரைப்படம் எப்போது வெளியாகும் என்று ரசிகர்கள் ஆர்வத்தோடு இருக்கும் நிலையில் இவர் சமூக வலைத்தளத்தில் வெளியிடும் போட்டோஸ்கள் ரசிகர்களால் கொண்டாடப்பட்டு வருகிறது. இந்த நிலையில் இவருக்கு அதிகமான ரசிகர்கள் ஃபேன்ஸ் பேஜ்க்களை சமூக வலைத்தளத்தில் வைத்துள்ளனர்.

ரசிகைகளின் செயல்

தற்போது கார்த்திக் ராஜின் ரசிகர்களின் ஃபேன்ஸ் பேஜ்களில் ஒரு வீடியோ வைரலாக பரவி வருகிறது. அந்த வீடியோவில் இரண்டு பெண்கள் ஒரு வீட்டின் முன்பு நின்று கார்த்திக் கார்த்திக் என்று கத்திக் கொண்டிருக்கின்றனர். அப்படியே அழைத்துக் கொண்டு இருப்பது கார்த்திக் ராஜாவை தான் என்று அவருடைய ரசிகர்கள் மீம்ஸ் களில் போட்டு கொண்டாடி வருகின்றனர். ஒரு சில நெட்டிசன்கள் இந்த வீடியோவை பார்த்ததும் வழக்கம்போல கலாய்த்து வருகின்றனர். சும்மாவே கார்த்திக்கு சீரியல்களில் எந்த எக்ஸ்பிரஸனையும் காட்டத் தெரியாது. நீங்கள் இப்படி கத்திக்கொண்டு இருந்தால் அவர் கண்டுகொள்ளவே மாட்டார் என்று சிலர் பொறாமையோடு கலாய்த்துக் கொண்டு இருக்கின்றனர்.

Published On January 7, 2022