Snehan: ட்ரீட்மெண்ட்டில் சினேகன்! விரைவில் மீளவேண்டும்! கன்னிகா உருக்கம்! குழந்தைகளின் முகத்தை பாருங்க!

சென்னை: தமிழ் திரை உலகில் பாடல் ஆசிரியர், கவிஞர், நடிகர் மற்றும் சமூக செயல்பாட்டாளர் என பல தளங்களில் முத்திரை பதித்தவர் சினேகன். இவர் சமீபத்தில் உடல்நிலை குறைவு காரணமாக ட்ரீட்மெண்ட் எடுத்து வருகிறார். சினேகனின் தந்தை சிவசங்கு சில வாரங்களுக்கு முன்புதான் காலமானார். அவருடைய புகைப்படத்தை கமல்ஹாசன் திறந்து வைத்திருந்தார். அதைத்தொடர்ந்து சினேகன் உடல்நிலை குறைவாக இருக்கும் தகவலை கன்னிகா வருத்தத்தோடு பகிர்ந்து இருக்கிறார்.

கன்னிகா வெளியிட்ட பதிவில் வைரஸ் காய்ச்சல் அதிகமாக பாதிப்பை ஏற்படுத்தி வருகிறது அனைவரும் கவனமாய் இருங்க என்று வேண்டுகோள் விடுத்திருக்கிறார். இந்த வீடியோவில் சினேகன், கன்னிகா தம்பதியின் இரட்டை குழந்தைகளும் சோர்வாக ஒரு படுக்கையில் விளையாடிக் கொண்டிருக்கின்றனர். அந்த குழந்தையை ஒரு பெண் போலீஸ் ஒருவர் கவனித்துக் கொண்டிருக்கிறார். இதனை கண்ட ரசிகர்கள் பலரும் இந்த குடும்பம் விரைவில் மீண்டும் வரவேண்டும் என்று வேண்டிக் கொண்டிருக்கின்றனர்.

சினேகன் தன் கிராமத்தில் இருந்து எப்படியாவது சினிமாவில் தனக்கென ஒரு இடத்தை பிடிக்க வேண்டும் என்று சென்னைக்கு வந்தவர். இவர் முதலில் கவிஞர் வைரமுத்துவிடம் உதவியாளராக தான் தன்னுடைய பயணத்தை தொடங்கினார். புத்தம் புது பூவே படம் மூலமாக பாடல் ஆசிரியராக அறிமுகமானார். அதற்கு பிறகு பல ஹிட்டான பாடல்களை சினேகன் கொடுத்திருக்கிறார். இந்த பாடல்கள் எல்லாம் சினேகன் கொடுத்ததா என்று பலரும் வியந்து பார்க்கும் அளவிற்கு அவர் சுமார் 2500க்கும் மேற்பட்ட பாடல்களை எழுதி இருக்கிறார்.

அதுபோல நடிகராகவும் பல திரைப்படங்களில் நடித்துக் கொண்டிருக்கிறார். கலைஞர் டிவியில் ஒளிபரப்பாகி வரும் சீரியலிலும் கதாநாயகனாக நடிப்பை தொடங்கி இருந்தார். அரசியல், நடிப்பு, சினிமா என்று ஒரு பக்கம் இருந்தாலும் இவர் பிக் பாஸ் நிகழ்ச்சி மூலமாக தான் சின்னத்திரை வெள்ளித்திரை ரசிகர்கள் மத்தியில் அதிக அளவில் பெயர் வாங்கினார். விஜய் டிவியில் ஒளிபரப்பான பிக் பாஸ் தமிழ் சீசன் 1 நிகழ்ச்சியில் அறிமுகமான சினேகன் அதிகமான நாட்கள் இந்த நிகழ்ச்சியில் இருந்தார்.

அதற்குப் பிறகு பிக் பாஸ் அல்டிமேட் நிகழ்ச்சியிலும் கலந்து கொண்டு இருந்தார். பிக் பாஸ் நிகழ்ச்சிக்கு பிறகு தான் பல வருடங்களாக காதலித்து வந்த நடிகை கன்னிகாவை திருமணம் செய்து இருந்தார். கன்னிகாவும் சன் டிவியில் ஒளிபரப்பான கல்யாணப்பரிசு சீரியலில் கதாநாயகியாக நடித்திருந்தார். ஒரு சில திரைப்படங்களிலும் நடித்திருந்தார்.

பிக் பாஸ் நிகழ்ச்சியில் சினேகன் கலந்து கொண்டது கமல்ஹாசனுக்காக தான். கமல்ஹாசனுடைய கொள்கைகளும், பேச்சும் எனக்கு ரொம்பவும் பிடிக்கும் நான் அவருடைய தீவிரமான ரசிகர் என்று பல இடங்களில் சினேகன் சொல்லி இருந்தார். சமீபத்தில் சினேகனின் தந்தை காலமான பிறகு அவருடைய புகைப்படத்தை திறந்து வைப்பதற்காக கமல்ஹாசன் சினேகனின் சொந்த கிராமத்திற்கே சென்றிருந்தார். அப்போது சினேகனை தான் தத்தெடுத்து கொண்டதாகவும் அவர் பேசினார். இது பலருடைய பாராட்டை பெற்றது. இந்த நிலையில் இப்போது சினேகன் உடல்நிலை குறைவு காரணமாக சிகிச்சை எடுத்து வருவதை பார்க்கும் போது பலருக்கும் வருத்தமாக இருப்பதாகவும், அவர் விரைவில் வந்து அவருடைய குழந்தைகளோடு கொஞ்சி விளையாட வேண்டும் என்றும் பலரும் கூறி வருகின்றனர்.

English summary

Snehan: Popular Tamil lyricist, poet, actor, and social activist Snehan has been undergoing medical treatment following a recent health setback. The issue comes shortly after the passing of his father, whose photo was unveiled by actor Kamal Haasan in Snehan’s hometown. Snehan’s wife, actress Kannika, shared an emotional update and video on social media, revealing that both Snehan and their twin children were affected by a viral fever. The video also shows a woman police officer helping care for the children, drawing sympathy and support from fans. Snehan, who began his career as an assistant to lyricist Vairamuthu, has written over 2,500 songs and acted in multiple films and serials. Despite his involvement in cinema, politics and social activism, Snehan became widely known through Bigg Boss Tamil Season 1 and later Bigg Boss Ultimate. He married Kanika after the show, and the couple has twin children. Fans, remembering Kamal Haasan’s close relationship with Snehan and recent support during his father’s passing, are now wishing him a speedy recovery and hoping to see him back to full health soon.