Lockdown: ஞாயிறு டபுள்ஸ்...சனி டபுள்ஸ்.. இனி நாளெல்லாம் டபுள்ஸ்தானா!?!

சென்னை: சன் டிவி கடந்த வருடம் மே மாதம் முதல் விடுமுறையில் மக்களை கட்டிப்போடும் விதமாக ஞாயிறு டபுள்ஸ் என்று பேக் டு பேக் இரண்டு திரைப் படங்களை ஒளிபரப்ப ஆரம்பித்தது.

இன்றுவரை அப்படி ஞாயிறு டபுள்ஸ் என்று இரண்டு படங்களை ஒளிபரப்பி வரும் சன் டிவி கடந்த இரண்டு வாரங்களாக சனிக்கிழமையும் சனிக்கிழமை டபுள்ஸ் என்று பேக் டு பேக் இரண்டு படங்களை ஒளிபரப்பி வருகிறது.

கொரோனாவைரஸ் பீதி கிளம்பி மக்கள் தனிமைப் படுத்தப்பட வேண்டும் என்று அறிவிக்கப்பட்ட நிலையில்தான் சன் டிவி சனிக்கிழமையும் சனிக்கிழமை டபுள்ஸ் என்று படங்களை ஒளிபரப்பத் துவங்கியது.

சன் டிவி சீரியல்கள்

fசன் டிவி சீரியல்களில் கடந்த பல வருடங்களாக முன்னிலை வகித்து வருகிறது. காலை 9:30 மணிக்கு சீரியல் ஆரம்பித்தால் பிற்பகல் 3:30 மணி வரை வரிசையாக சீரியல்கள் ஒளிபரப்பாகி வருகிறது. மாலை 6:30 மணிக்கு மீண்டும் சீரியல்கள் ஒளிபரப்பாக ஆரம்பித்தால் இரவு 11 மணி வரை வரிசையாக சீரியல்கள் என்று சன் டிவியில் ஒரே சீரியல் மயம்தான்.

லாக்டவுன் அமல்

லாக்டவுன் அமலில் உள்ள இந்த நேரத்தில் சினிமா ஷூட்டிங்.. சீரியல் ஷூட்டிங் என்று எதுவும் இல்லை. இதனால், இருக்கும் நடிகர்களை வைத்து அப்படி இப்படி என்று சில சீரியல்கள் ஷூட்டிங் எடுக்கப்பட்டு இன்றுவரை அது ஒளிபரப்பாகியும் வருகிறது.

ஒரே குரல் டப்பிங்

அப்படி கொஞ்ச நஞ்சம் ஷூட்டிங் எடுக்கப்பட்ட சீரியல்களில் டப்பிங் கொடுக்க ஆட்கள் கிடைக்காமல் ஒரே குரலில் ஒரே காட்சியில் இருவருக்கும் மேற்பட்ட நடிகைகளுக்கு டப்பிங் கொடுத்து, அந்த சீரியல் ஒளிபரப்பாகி வரும் அவலமும் நேர்ந்து வருகிறது.

நாளெல்லாம் டபுள்ஸா

இந்த நிலையில் இப்படியே சீரியல்களை ஒப்பேற்றி ஒளிபரப்ப முடியாமல் போகும்போது சன் டிவி நாளெல்லாம் டபுள்ஸுன்னு பேக் டு பேக் படங்களை ஒளிபரப்பி வியூவர்ஸை தன் வசம் தக்க வச்சுக்குமா?

English summary

Sun TV began airing two screenshots of Sunday Doubles as 'Sunday Doubles' in its first holiday in May last year.