அடுத்தடுத்து மகிழ்ச்சி செய்தி.. சந்தோஷத்தில் ஓபனாக திரிஷா வெளியிட்ட பதிவு! விமர்சனங்களுக்கு நோ டென்ஷன்

Updated: Monday, May 11, 2026, 12:03 [IST]

Subscribe to Oneindia Tamil

சென்னை: தமிழ் சினிமாவின் முன்னணி நடிகையான திரிஷா, சமீபத்தில் தமிழக முதலமைச்சராக விஜய் பதவியேற்ற விழாவில் கலந்து கொண்டது பெரிய பேசுபொருளாக மாறியுள்ளது. அந்த நிகழ்ச்சியில் கலந்துகொண்ட திரிஷா, அணிந்திருந்த நீல நிற சேலை லுக் மற்றும் அவரது நடவடிக்கை ரசிகர்களின் கவனத்தை ஈர்த்தது.

திரிஷாவின் புது போஸ்ட்

இந்த நிலையில், அந்த நிகழ்ச்சியில் எடுத்த புகைப்படங்களை திரிஷா தன்னுடைய சமூக வலைதளப் பக்கத்தில் பகிர்ந்துள்ளார். "The love is always louder" என்று கேப்ஷனுடன் வெளியிட்ட இந்த பதிவு, வெளியான சில மணி நேரங்களிலேயே ஆயிரக்கணக்கான லைக்குகளையும் கருத்துகளையும் பெற்றுள்ளது. குறிப்பாக அவர் அணிந்திருந்த சேலை, அணிகலன்கள், ஜாஸ்மின் பூ அலங்காரம் ஆகியவை ரசிகர்களிடையே பெரும் வரவேற்பைப் பெற்றுள்ளது.

விஜய் திரிஷா சர்ச்சை

ஏற்கனவே விஜய் மற்றும் திரிஷா குறித்து சமூக வலைதளங்களில் பல்வேறு சர்ச்சைகள் பரவி வந்த சூழலில், அவற்றை பொருட்படுத்தாமல் திரிஷா இந்த நிகழ்ச்சியில் கலந்து கொண்டு, அதன் புகைப்படங்களை தைரியமாக பகிர்ந்தது பலரின் கவனத்தை ஈர்த்துள்ளது. இதனால் ஒரு பக்கம் ரசிகர்கள் அவரை பாராட்டி வர, மற்றொரு பக்கம் சிலர் விமர்சனங்களையும் முன்வைத்து வருகின்றனர்.

திரிஷாவுக்கு மகிழ்ச்சி செய்தி

இதே நேரத்தில், சமீபத்தில் திரிஷா தனது பிறந்தநாளையும் கொண்டாடியிருந்தார். அதே நாளில் விஜய் முதலமைச்சராக பதவியேற்றது காரணமாக, "உங்களுடைய நண்பரிடமிருந்து கிடைத்த பெரிய பரிசு இது தான்" என்று பலரும் சமூக வலைதளங்களில் குறிப்பிட்டு பதிவிட்டனர். அந்த பதிவுகளையும் திரிஷா தனது பக்கத்தில் பகிர்ந்தது மேலும் பேசுபொருளாக மாறியது.

கருப்பு படம் ரிலீஸ்

இதற்கிடையில், திரிஷா மற்றும் சூர்யா பல ஆண்டுகளுக்கு பிறகு இணைந்து நடித்துள்ள 'கருப்பு' திரைப்படம் விரைவில் திரையரங்குகளில் வெளியாக உள்ளது. இந்த படத்தின் அப்டேட்களும் ரசிகர்களிடையே எதிர்பார்ப்பை அதிகரித்துள்ளன. இதனால், திரிஷாவுக்கு தொடர்ந்து மகிழ்ச்சியான நிகழ்வுகள் நடந்துகொண்டே இருக்கும் சூழல் உருவாகியுள்ளது.

மொத்தத்தில், அரசியல் நிகழ்ச்சி, பிறந்தநாள் கொண்டாட்டம், புதிய பட ரிலீஸ் என அனைத்தும் ஒரே நேரத்தில் திரிஷாவை சுற்றி கவனம் குவிந்துள்ள நிலையில், அவர் வெளியிட்ட இந்த புகைப்படங்கள் சமூக வலைதளங்களில் டிரெண்டாகி வருகிறது. ரசிகர்கள் தொடர்ந்து லைக்குகள் மற்றும் பாராட்டுகளால் அவரது பதிவை வைரலாக்கி வருகின்றனர்.