Gold Rate: வெனிசுலா மீது அமெரிக்கா தாக்குதல்! டிரம்பின் செயலால் எகிறிய தங்கம் விலை! ரூ.1,280 அதிகரிப்பு

Updated: Monday, January 5, 2026, 16:08 [IST]

Subscribe to Oneindia Tamil

சென்னை: சென்னையில் ஜனவரி 5-ஆம் தேதியான இன்று ஒரே நாளில் தங்கம் விலை ரூ.1,280 அதிகரித்துள்ளது. காலையில் சவரனுக்கு ரூ.640 அதிகரித்த நிலையில் மாலையில் மேலும் ரூ.640 அதிகரித்துள்ளது. இதனால் சென்னையில் இன்று ஒரு சவரன் தங்கம் ரூ.1,02,080-க்கு விற்பனை செய்யப்படுகிறது.

அது போல் வெள்ளியின் விலையும் காலை மாலை என இருவேளைகளிலும் அதிகரித்துள்ளது. இன்று ஒரே நாளில் வெள்ளி விலை கிராமுக்கு ரூ.9 அதிகரித்துள்ளது.

சர்வதேச பொருளாதார சந்தைகளில் தங்கத்தின் விலை மாறிக் கொண்டே வருகிறது. இதற்கு காரணமாக ரஷ்யா மீது அமெரிக்கா விதித்த தடைகள், சீனா- இந்தியா மீதான வரி உயர்வுகள், மத்திய கிழக்கு நாடுகளின் போர் பதற்றங்கள் போன்றவையால் அனைத்து நாடுகளும் தங்கத்தை வாங்கி குவிக்கிறார்கள். ஏற்றுமதி, இறக்குமதியை டாலருக்கு பதிலாக தங்கத்தின் அடிப்படையில் நடத்தலாம் என்ற முடிவுக்கு மற்ற நாடுகள் வந்துவிட்டன. இதனால் தங்கம் விலையில் ஏற்றம் இருந்தது.

கடந்த டிசம்பர் மாதம் தங்கத்தின் விலை குறைந்தபட்சமாக 4 ஆம் தேதி ஒரு சவரன் ரூ 96,160-க்கு விற்பனையாகியுள்ளது. அதிகபட்சமாக 30-ஆம் தேதி ஒரு சவரன் ரூ. 1,00,800- க்கு விற்பனையானது.

மாலையிலும் அதிகரித்த தங்கம் விலை

ஜனவரி 5-ஆம் தேதியான இன்று தங்கம் விலை சவரனுக்கு ரூ 640 உயர்ந்து ஒரு சவரன் ரூ 1,01,440 -க்கும், கிராமுக்கு ரூ 80 உயர்ந்து ஒரு கிராம் ரூ 12,680-க்கும் விற்பனையாகிறது. அது போல் வெள்ளியின் விலை கிராமுக்கு 8 ரூபாய் ஒரு கிராம் ரூ 265-க்கும் ஒரு கிலோ வெள்ளி ரூ 2,65,000-க்கும் விற்பனையானது.

இந்த நிலையில் மாலையிலும் தங்கம் மற்றும் வெள்ளி விலை அதிகரித்துள்ளது. மாலையிலும் சென்னையில் ஒரு சவரன் தங்கம் விலை ரூ.640 அதிகரித்து தற்போது ஒரு சவரன் தங்கம் சென்னையில் ரூ.1,02,080-க்கு விற்பனை செய்யப்படுகிறது. ஒரு கிராம் தங்கம் சென்னையில் இன்று ரூ.13,320-க்கு விற்பனை செய்யப்படுகிறது. வெள்ளி விலை காலையில் ஒரு கிராம் ரூ.8 அதிகரித்த நிலையில் மாலையில் மேலும் ஒரு ரூபாய் அதிகரித்து ரூ.266க்கு விற்பனை செய்யப்படுகிறது.

வெனிசுலா மீது அமெரிக்கா தாக்குதல் நடத்தியதோடு, வெனிசுலா அதிபர் நிக்கோலஸ் மதுரோ மற்றும் அவரது மனைவியை சிறை பிடித்துள்ளதால் தங்கம், வெள்ளி விலையுடன் கச்சா எண்ணெயின் விலையும் உயரக் கூடும் என எதிர்பார்க்கப்படுகிறது. இந்த நிலையில் மார்க்கெட் திறந்த முதல் நாளே தங்கத்தின் விலை உயர்ந்துள்ளதாக நகைப்பிரியர்கள் அதிர்ச்சி அடைந்துள்ளனர்.