ஜன்னல் சீட்டுக்காக விமானத்தில் கட்டிப்பிடி சண்டை- சரமாரி கும்மாங்குத்து- வைரலான வீடியோ

கலிபோர்னியாவில் இருந்து புறப்பட்ட சௌத் வெஸ்ட் ஏர்லைன்ஸ் விமானத்தில் ஜன்னல் இருக்கை சீட்டுக்காக இரண்டு ஆண்கள் கட்டிப்பிடி சண்டை போட்டுக் கொண்ட வீடியோ இணையத்தில் வைரலாக பரவி வருகிறது.

கலிபோர்னியா: அமெரிக்காவின் கலிபோர்னியாவில் இருந்து புறப்பட்ட விமானத்தின் ஜன்னல் சீட்டில் யார் உட்காருவது என்று ஏற்பட்ட தகராறில் 2 இளைஞர்கள் பிளைட்டில் போட்ட அடிதடி வீடியோ காட்சிகள் இணையத்தில் வைரலாகி வருகிறது.

நடந்த ஞாயிற்றுக்கிழமை டல்லாசில் இருந்து கலிபோர்னியாவின் ஓக்லேண்ட்டுக்கு புறப்பட வேண்டிய விமானம் செளத் வெஸ்ட்பிளைட் பர்பேங்க் விமான நிலையத்தில் நின்றுள்ளது. அப்போது முண்டியடித்து பிளைட்டில் ஏறிய இரண்டு இளைஞர்கள் ஜன்னல் பக்க இருக்கையில் அமர சென்றுள்ளனர்.

ஆனால் ஒருவரை மற்றொரு தடுக்க தகராறு ஏற்பட்டுள்ளது. இதில் இருவரும் சரமாரியாகத் தாக்கிக் கொண்டனர். ஒரு இளைஞன் மற்றொரு இளைஞனை கீழே பிடித்துத் தள்ளி முகத்திலேயே சரமாரியாக குத்த, பதறிப் போன பெண் பயணி இருவரையும் தடுத்து இழுக்க முயன்றதில் அந்தப் பெண்மணி மேல் இருவரும் விழுந்து சண்டையை தொடர்ந்துள்ளனர்.

இந்த காட்சியை சகபயணிகள் தங்களது செல்போனில் பதிவுசெய்திருந்தனர், இந்த காட்சிகள் இப்போது இணையத்தில் வைரலாக பரவி வருகின்றன. இளைஞர்கள் இருவரின் கட்டிப்பிடி சண்டை போட்ட ரணகளத்தை முழுமையாக வீடியோவில் பார்த்து தெரிந்து கொள்ளுங்கள்.

English summary

Southwest airlines flight travelled to oakland of California turned as afight ring for two passengers because of seat disputes