''அம்மா கணக்கு'' படத்தின் தயாரிப்பாளர் 'குமாரசாமி'.. மனுஷ்யபுத்திரன் கிண்டல்

சென்னை: 'அம்மா கணக்கு' என்ற பெயரில் உருவாகி உள்ள படத்தின் தயாரிப்பாளர் யார்? என்று வார இதழ் ஒன்று கேட்ட கேள்விக்கு, குமாரசாமி என்று பதிலளித்துள்ளார் எழுத்தாளர் மனுஷ்யபுத்திரன்.

'அம்மா கணக்கு' என்ற பெயரில் புதிய படம் தயாராகியுள்ளது. இதன் தயாரிப்பாளர் நடிகர், தனுஷ் ஆகும்.

ஆனந்த விகடன் முக்கிய புள்ளிகளின் பொது அறிவு, சினிமா அறிவை சோதிக்கும் விதமாக, சில பிரமுகர்களிடம், அப்படத்தின் தயாரிப்பாளர் பெயரை கேட்டது. இதற்கு முன்னாள் நீதிபதி சந்துரு அளித்த பதிலில் `எப்போது இருந்து காந்தி கணக்குக்கு பெயர் மாற்றம் செய்யப்பட்டுள்ளது? தயாரிப்பாளர் யாராக இருப்பினும் பட வெளியீட்டுக்கு தியேட்டர் கிடைப்பதற்குக் கஷ்டப்படுவார். அது மட்டும் அல்ல, அது தமிழ்ப் பெயராக இருப்பினும் வரிச் சலுகைக்கு வழி இருக்காது என்று கூறியுள்ளார்

டிவி தொகுப்பாளினி, லட்சுமி ராமகிருஷ்ணன்: `அடப்பாவீங்களா, என்னைச் சிக்க வைக்கணும்னே கேள்வி கேட்கிறீங்க போல. எங்க அம்மாவோட கணக்கே எனக்குத் தெரியாது. இதுல `அம்மா கணக்கு' தயாரிப்பாளரைப் பற்றி என்ன சொல்றது? சரி, ஒரு யூகத்துல பதில் சொல்றேன். உதயநிதி ஸ்டாலின், என்று கூறியுள்ளார்.

ஆர்.ஜே.பாலாஜி சற்று பயந்தவராக, நீங்க ஏன் இந்த சீஸன்ல இந்தக் கேள்வி கேட்கிறீங்கனு தெரியும். உங்க வலையில் சிக்காமல் பதில் சொல்லிடுறேன். `அம்மா கணக்கு' படத்தின் தயாரிப்பாளர் தனுஷ். இந்தப் படத்துல அமலா பால், ரேவதி எல்லாம் நடிச்சிருக்காங்க என்றுள்ளார்.

ஆனால், மனுஷ்ய புத்திரனிடம் இதே கேள்வியை கேட்டபோது, `குமாரசாமி' என்று பதில் சொல்லியுள்ளார். அவர் எந்த கணக்கில், குமாரசாமி என்ற பெயரை சொன்னாரோ அது அவருக்குத்தான் வெளிச்சம். அதற்கு கம்பெனி பொறுப்பல்ல.

English summary

Manushyaputhiran says, Amma Kanakku film's producer is Kumaraswamy.