இப்படி ஆயி போச்சே ராசா.. வெறும் 4000 ஓட்டு வாங்கிய பாஜகவின் எச். ராஜா

Updated: Thursday, May 19, 2016, 13:13 [IST]

Subscribe to Oneindia Tamil

சென்னை: சென்னை தியாகராய நகர் தொகுதியில் போட்டியிட்ட பாஜக மூத்த தலைவர்களில் ஒருவரான எச். ராஜா மிக மிக குறைந்த வாக்குகள் பெற்று பின்தங்கியுள்ளார். அவருக்கு டெபாசிட் கூட கிடைக்காத நிலை காணப்படுகிறது.

தியாகராய நகரில் அதிமுக வேட்பாளர் சத்யநாராயணன் 20,507 ஓட்டுக்கள் பெற்றுள்ளார். அடுத்த இடத்தில் திமுகவின் டாக்டர் என்.எஸ். கனிமொழி 20,314 வாக்குகளுடன் உள்ளார்.

3வது இடத்தில் பாஜக தேசியச் செயலாளர் எச். ராஜா இருக்கிறார். அவருக்கு வெறும் 4000 ஓட்டு மட்டுமே கிடைத்துள்ளது. வாய்த் துடுக்காக பேசி வந்த எச். ராஜா 10 ஆயிரம் ஓட்டுக்களைக் கூட பெற முடியாத நிலை ஏற்பட்டிருப்பது பாஜகவினரை அதிர்ச்சி அடைய வைத்துள்ளது. அவருக்கு டெபாசிட் கூட கிடைக்காத நிலையே தி.நகரில் காணப்படுகிறது.

வணிகத்திற்குப் பெயர் போன தி.நகரில் எச். ராஜாவின் வாய் ஜாலம் போணியாகவில்லை!