தொல். திருமாவளவனின் தனிச் செயலாளர் மடிப்பாக்கம் வெற்றிச் செல்வன் கொடூரமாக வெட்டிப் படுகொலை!!

சென்னை: விடுதலை சிறுத்தைகள் கட்சியின் தலைவர் தொல். திருமாவளவனின் தனிச் செயலாளர் மடிப்பாக்கம் வெற்றிச்செல்வன் சென்னையில் இன்று அடையாளம் தெரியாத நபர்களால் வெட்டிப் படுகொலை செய்யப்பட்டுள்ள சம்பவம் பதற்றத்தை ஏற்படுத்தியுள்ளது.

சென்னையில் விடுதலை சிறுத்தைகள் கட்சியின் முக்கிய பிரமுகராக இருந்தவர் வெற்றிச்செல்வன். அக்கட்சித் தலைவர் தொல். திருமாவளவனின் தனிச் செயலாளராகவும் இருந்தார் வெற்றிச் செல்வன்.

அவரை மடிப்பாக்கத்தில் அடையாளம் தெரியாத நபர்கள் இன்று காலை வெட்டிப் படுகொலை செய்துள்ளனர். இந்த சம்பவம் விடுதலை சிறுத்தைகள் கட்சியினரை அதிர்ச்சியடைய வைத்துள்ளது.

இக்கொலை சம்பவத்தால் மடிப்பாக்கத்தில் பதற்றமான நிலைமை ஏற்பட்டுள்ளது. வெற்றிச் செல்வன் படுகொலைக்கு காரணம் என்ன என்பது குறித்து போலீசார் தீவிரமாக விசாரணை நடத்தி வருகின்றனர்.

English summary

Viduthalai Chiruthaigal Katchi leader Thol. Thirumavalavan's Secretary Madippakkam Vetriselvan was hacked to death by a unidentified gang on Wednesday morning.