குற்றால சாரல் விழா தொடக்கம்

குற்றாலம்: குற்றாலம் சாரல் விழா இன்று தொடங்குகிறது. இதையொட்டி ஒருவாரம் கலை நிகழ்ச்சிகள் நடத்தப்படுகிறது.

குற்றால சீசனை ஓட்டி அரசு சார்பில் கலைவாணர் கலையரங்கில் நடத்தப்படும் இந்த விழாவுக்கு சபாநாயகர் ஆவுடையப்பன் தலைமை தாங்குகிறார். அமைச்சர் பெரியசாமி விழாவை தொடங்கி வைக்கிறார். அமைச்சர் சுரேஷ்ராஜன் கலைநிகழ்ச்சிகளை தொடங்கி வைக்கிறார்.

தொடக்க விழாவில் நாதஸ்வரம், அரசு இசைப்பள்ளி மாணவர்களின் மங்கள இசை, மாணவிகளின் பரத நாட்டியம், நையாண்டி மேளம், பொய்க்கால் குதிரையாட்டம், மயிலாட்டம் நடக்கிறது.

விழா தொடர்ந்து ஆகஸ்ட் 1ம் தேதி வரை நடக்கிறது. ஒவ்வொரு காலையில் போட்டிகளிலும், மாலையில் கலை நிகழ்ச்சிகளும் நடத்தப்படுகிறது.