Guru Peyarchi: மேஷ ராசிக்கு அதிர்ஷ்டத்தை தரும் குருப்பெயர்ச்சி.. வாழ்க்கையை மாற்றும் 3 விஷயங்கள்

Guru Peyarchi 2026: 2026 குருப்பெயர்ச்சி ஜூன் 2 ஆம் தேதி நடைபெற்றுள்ளது. இந்த குருப்பெயர்ச்சியில் மேஷ ராசியினருக்கு கிடைக்கும் பலன்கள், பரிகாரங்கள், வழிபட வேண்டிய தெய்வங்கள் குறித்து இந்தப் பதிவில் பார்க்கலாம்.

குரு பகவான் மிதுனத்தில் இருந்து கடக ராசிக்கு பெயர்ச்சியாகியுள்ளார். வாக்கியப் பஞ்சாங்கத்தின் படி மே 26 ஆம் தேதியும், திருக்கணிதப் பஞ்சாங்கத்தின் படி ஜூன் 2 ஆம் தேதியும் குருப்பெயர்ச்சி நடைபெற்றுள்ளது. குருவின் இந்த பெயர்ச்சியால் மேஷ ராசியினருக்கு ஏராளமான நல்ல பலன்கள் கிடைக்கப் போகின்றன. என்ன பலன்கள் எல்லாம் கிடைக்கப் போகிறது என விரிவாகப் பார்க்கலாம்.

மேஷம்

மேஷம் ராசியினருக்கு இந்த குருப்பெயர்ச்சி அதிர்ஷ்டம் நிறைந்ததாக இருக்கும். குரு உச்சமடையக்கூடிய வேளையில் திரிகோணத்தில் வரும் சனி ரேவதி நட்சத்திரத்தில் சஞ்சாரம் செய்யும் போது உங்கள் ராசிக்கு வேலையில் அற்புதமான முன்னேற்றங்கள் ஏற்படும். வேலையில்லாமல் கஷ்டப்படுபவர்களுக்கு நல்ல வேலை கிடைக்கும் யோகம் உண்டு. புதிய தொழில் தொடங்கக்கூடிய பாக்கியம் உண்டாகும். அஷ்டம ஸ்தானத்திற்கு குரு பார்வை ஏற்படும்.

முன்னேற்றம்

அஷ்டம ஸ்தானம் என்பது அசிங்கம், அவமானம், விபத்து, மறைமுக விமர்சனம், தீய செயல்கள். இவை எல்லாமே குரு பார்வை படும்போது ஒழிந்துவிடும். திடீர் வாய்ப்புகளால் பெரிய முன்னேற்றம் ஏற்படும். குடும்பத்திற்குள் கணவர் மூலமாக, மனைவி மூலமாக பணம் வரும். அவர்களுக்கு வேலை கிடைக்கும். வேலையில் மேலதிகாரிகளின் பாராட்டு, புகழைப் பெறுவீர்கள்.

ஆரோக்கியம்

வேலை, தொழில், அந்தஸ்து, உத்தியோகம், வியாபாரத்தில் நல்ல முன்னேற்றம் ஏற்படும். ஆரோக்கியத்தில் அற்புதமான மாற்றங்கள், முன்னேற்றம் ஏற்படும். இஎம்ஐ கட்டுவது குறையும். தூக்கமே இல்லை என்று வருத்தப்பட்டுக் கொண்டிருந்தவர்களுக்கு நல்ல தூக்கம் வரும். வெளிநாடுகளில் இருப்போருக்கு நல்ல சந்தோஷமும், சுபிக்ஷமும் ஏற்படும்.

கடன் தீரும்

கிரெடிட் கார்டு, கந்துவட்டிக்கு லோன் வாங்கி கஷ்டப்படுவது போன்ற நிலைமைகள் மாறும். பெரிய மாற்றங்கள் ஏற்படும். படிக்கும் மாணவர்களுக்கு ஏற்றம் நிறைந்த காலகட்டமாக இருக்கும். மார்பகம், நெஞ்சகம், முதுகுத் தண்டுவடம், சூடு கட்டி, கொப்பளம் போன்றவை வருவதற்கான வாய்ப்புள்ளது. சொந்த பந்தங்கள், சொந்த ஊர் சம்பந்தப்பட்ட விஷயங்களில் கவனமாக இருக்க வேண்டும்.

வெற்றி

நுரையீரல் தொடர்பான விஷயங்களில் மிகுந்த கவனமாக இருக்க வேண்டும். லாப ஸ்தானத்தில் குரு இருக்கும் வரை எதிரிகள் தொல்லை தீரும். திட்டமிடும் காரியங்களில் எல்லாம் வெற்றி பெறக்கூடிய யோகம் உண்டாகும். உங்கள் வீட்டில் இருந்து பேசினாலே மற்றவர்களுக்கும் கூட நன்மை கிடைக்கக்கூடிய யோகத்தைப் பெறுவீர்கள். நிறைய பேர் இடத்தில், நிலத்தில் முதலீடு செய்வீர்கள்.

மன கஷ்டங்கள் தீரும்

விவசாயம் செய்யக்கூடிய யோகம் உண்டு. சந்தோஷம் மட்டுமல்லாமல் இந்த குருப்பெயர்ச்சி உங்களுக்கு அபரிமிதமான பணவரவு, பொருளாதார முன்னேற்றம், திட்டமிடுதலை உண்டாக்கி கொடுக்கும். இந்த காலகட்டத்தைப் பயன்படுத்திக் கொண்டால் அற்புதமான முன்னேற்றங்கள் உங்களுக்கு உண்டாகும். பெற்றோர்களின் மன கஷ்டங்கள், அதீத சிந்தனை போன்றவை குறையும்.

English summary

Guru Peyarchi 2026: Guru Peyarchi 2026 brings powerful positive changes for Aries natives. Career growth, financial stability, family happiness, and unexpected opportunities are likely as Jupiter's favorable transit supports progress and prosperity.