ஆடி மாதத்தில் சுற்றுலா.. முண்டகக் கண்ணியம்மன்..கோலவிழியம்மனை தரிசிக்க கட்டணம் எவ்வளவு தெரியுமா?

சென்னையில் ஆடி அம்மன் தொகுப்பு சுற்றுலாவிற்கு தமிழக அரசு ஏற்பாடு செய்துள்ளது.700 ரூபாய் கட்டணமாக நிர்ணயம் செய்யப்பட்டுள்ளது.

சென்னை: ஆடி மாதத்தில் அம்மன் கோவில்களை தரிசனம் செய்யும் வகையில் ஆன்மீக சுற்றுலாவிற்கு தமிழ்நாடு சுற்றுலா வளர்ச்சி கழகம் மற்றும் இந்து சமய அறநிலையத்துறை இணைந்து ஏற்பாடு செய்துள்ளன. இந்த சுற்றுலாவில் பயணிக்கும் அனைவருக்கும் மதிய உணவு, அனைத்து கோயில்களின் பிரசாதம் மற்றும் சிறப்பு விரைவு தரிசன ஏற்பாடு செய்யப்பட்டுள்ளது.

ஆடி மாதம் அம்மனுக்கு உகந்த மாதம் என்பதால் அம்மன் கோவில்களில் சிறப்பு பூஜை நடைபெறுவது வழக்கம்.
ஆடி மாதத்தில் வரும் வெள்ளிக்கிழமைகளில் மாவட்டத்தில் உள்ள அம்மன் கோவில்களில் சிறப்பு வழிபாடு நடைபெறும்.

ஆடி மாதத்தை முன்னிட்டு சென்னை, மதுரை, திருச்சி மற்றும் தஞ்சாவூர் ஆகிய நகரங்களில் உள்ள பிரசித்திபெற்ற அம்மன் கோயில்களை தரிசனம் செய்யும் வகையில் காலை 8.30 மணி முதல் இரவு 8.30 மணி வரை ஒரு நாள் ஆடி அம்மன் தொகுப்பு சுற்றுலா கடந்த 17ம் தேதி முதல் அறிமுகப்படுத்தியுள்ளது.

சென்னை அம்மன் கோவில்கள்

ஆடி அம்மன் சுற்றுலா 1 ல் சென்னை திருவல்லிகேணி சுற்றுலா வளாகத்திலிருந்து புறப்பட்டு காளிகாம்பாள் கோயில், பாரிமுனை அங்காள பரமேஸ்வரி கோயில், ராயபுரம் வடிவுடையம்மன் கோயில், திருவொற்றியூர் பவானி அம்மன் கோயில், பெரியபாளையம் அங்காள பரமேஸ்வரி அம்மன் கோயில், புட்லூர்-திருவுடையம்மன் கோயில், திருமுல்லைவாயல் பச்சையம்மன் கோயில், திருமுல்லைவாயல் செய்யாத்தம்மன் கோயில், கொரட்டூர் பாலியம்மன் கோயில், வில்லிவாக்கம் ஆகிய கோயில்களை கண்டு தரிசனம் செய்து வரும் வகையில் சிறப்பான ஏற்பாடு செய்யப்பட்டுள்ளது. இச்சுற்றுலாவிற்கான கட்டணம் ரூ.900 என்று தெரிவிக்கப்பட்டுள்ளது.

மயிலை கோலவிழியம்மன்

மேலும், ஆடி அம்மன் சுற்றுலா 2 - ல் சென்னை திருவல்லிக்கேணி சுற்றுலா வளாகத்திலிருந்து புறப்பட்டு கற்பகாம்பாள் கோயில், மயிலாப்பூர் முண்டகக்கண்ணி அம்மன் கோயில், மயிலாப்பூர் கோலவிழியம்மன் கோயில், மயிலாப்பூர் ஆலயம்மன் கோயில், தேனாம்பேட்டை முப்பாத்தம்மன் கோயில்களில் தரிசனம் செய்யலாம்.

அம்மன் கோவில்களை தரிசிக்க ஏற்பாடு

தி.நகர் பிடாரி இளங்காளி அம்மன் கோயில், சைதாப்பேட்டை அஷ்டலெஷ்மி கோயில், பெசன்ட் நகர் காமாட்சி அம்மன் கோயில், மாங்காடு தேவி கருமாரியம்மன் கோயில், திருவேற்காடு பாதாள பொன்னியம்மன் கோயில், கீழ்ப்பாக்கம் கோயில்களை கண்டு தரிசனம் செய்து வரும் வகையில் சிறப்பான ஏற்பாடு செய்யப்பட்டுள்ளது.

கட்டணம் எவ்வளவு

இந்த சுற்றுலாவில் பயணிக்கும் அனைவருக்கும் மதிய உணவு, அனைத்து கோயில்களின் பிரசாதம் மற்றும் சிறப்பு விரைவு தரிசன ஏற்பாடு செய்யப்பட்டுள்ளது. சுற்றுலாவிற்கான கட்டணமாக 700 ரூபாய் நிர்ணயிக்கப்பட்டுள்ளது. எனவே சுற்றுலா பயணிகள் ஆன்மிக அன்பர்கள் இந்த அறிய வாய்ப்பை பயன்படுத்திக் கொள்ளலாம்.

English summary

The Tamil Nadu Tourism Development Corporation and the Hindu Religious Charities Department have jointly organized a spiritual tour to visit the goddess temples in the month of Aadi. Lunch, offerings of all the temples and special quick darshan are arranged for all the travelers on this tour.