தனுசுக்கு நல்ல நேரம் ஆரம்பம்.. தொட்டதெல்லாம் தங்கமாகும் காலம்.. திடீர் அதிர்ஷ்டத்தால் யோகம் கொட்டும்

Updated: Saturday, June 21, 2025, 8:23 [IST]

Subscribe to Oneindia Tamil

சுக்கிரன் பெயர்ச்சி: ஜூன் 28 ஆம் தேதி சுக்கிரப் பெயர்ச்சி நடைபெறவுள்ளது. இந்த சுக்கிரப் பெயர்ச்சியால் தனுசு ராசிக்காரர்களுக்கு கிடைக்கும் யோக பலன்கள், கவனமாக இருக்க வேண்டிய விஷயங்கள் குறித்து இந்த ஜோதிட கட்டுரையில் பார்க்கலாம்.

2025 ஆம் ஆண்டில் ஜூன் 28 ஆம் தேதி சுக்கிரப் பெயர்ச்சி நடைபெறவுள்ளது. சுக்கிரனே எல்லா மனித உயிர்களுக்கும் காதலுக்கும் காரணமாக இருப்பவர். காதலின் கிரகமாக கருதப்படும் சுக்கிர பகவான் ஜூன் 28 ஆம் தேதி மேஷத்தில் இருந்து ரிஷபத்துக்கு செல்கிறார். பொதுவாக சுக்கிரன் செல்வம் மற்றும் செழிப்புக்கு அதிபதியாவார்.

Sukkiran peyarchi Dhanusu Lucky zodiac signs

திருமணம் உள்ளிட்ட சுப காரியங்களுக்கு அதிபதியாகவும் சுக்கிரன் இருக்கிறார். அதனால் அவரை களத்திர காரகன் என்றும் கூறுவார்கள். வண்டி, வாகனம், தொழில் கூட்டாளிகள் உள்ளிட்ட சுக வாழ்க்கைக்கும் சுக்கிரன் முக்கியமானவர். நவ கிரகங்களில் சுக்கிரனை அசுரன் என்று அழைப்பார்கள். அந்த வகையில், இந்த சுக்கிரப் பெயர்ச்சியால் தனுசு ராசிக்காரர்களுக்கு கிடைக்கும் பலன்கள் குறித்து இந்த தொகுப்பில் பார்க்கலாம்.

தனுசு ராசி பலன்

அனைத்து விஷயங்களையும் நல்லதாகவே நினைக்கக் கூடியவர்கள். குருவின் ஆசிர்வாதத்தைப் பெற்றவர்களாகவும், ஒரு இலக்கை நிர்ணயித்து அதனை செயல்படுத்துபவர்கள் தனுசு ராசியினர். சுக்கிரன் 5 ஆம் இடத்தில் இருந்து 6 ஆம் இடத்துக்குப் பெயர்ச்சியாகிறார். தனுசுக்கு 6க்கு உரியவராகவும், லாபத்தைக் கொடுக்கக் கூடியவராகவும் சுக்கிரன் இருக்கிறார்.

எச்சரிக்கை

சுக்கிரன் 6 ஆம் இடத்தில் வந்து ஆட்சி பலத்தோடு அமரப் போகிறார். உங்களுடைய எதிரி பலமாக இருக்கப் போகிறார். அதற்கு தகுந்தாற்போல நீங்கள் செயல்படுவது நல்லது. கடன், நோய், எதிர்ப்பு, பகை, வம்பு, வழக்கு போன்ற விஷயங்களில் மிகுந்த எச்சரிக்கையாக இருக்க வேண்டும். கேட்க வேண்டிய இடத்தில் கடன்கள் கிடைக்கும். கடன் மூலமாக சில ஆதாயங்களைப் பெறும் யோகம் உண்டாகும். ஏற்கனவே இருக்கும் கடன்களை அடைத்து விடலாம் என்ற எண்ணம் தோன்றும்.

கடன் தீரும்

கடனை அடைத்துவிட்டு வேறு வாங்கி தொழிலை அபிவிருத்தி செய்யும் எண்ணம் தோன்றும். வங்கிகளில் கடன் நிச்சயமாக கிடைக்கும். வீடு வாங்கும் என்று நினைப்பவர்களுக்கு அற்புதமான காலகட்டமாக இருக்கும். கடனை வாங்கி வீடு வாங்கும் அமைப்பு உள்ளது. சுக்கிரன் பலமாக இருப்பதால் புதிய வாகனம் வாங்கும் யோகம் உண்டு. தொழிலில் அபரிமிதமான லாபம் கிடைக்கும் காலகட்டமாக இருக்கும்.

தொழில்

குரு பகவானும் 11 ஆம் இடத்தைப் பார்ப்பதால், சுக்கிரனும் லாபத்தைக் கொடுப்பதால் லாபத்தை அடைவதற்கான அத்தனை முயற்சிகளும் உங்களுக்கு வெற்றியைக் கொடுக்கும். நிறைய தனுசு ராசியினர் சொந்த தொழில் செய்வது, புதிதாக எதையாவது செய்ய வேண்டும் என்ற எண்ண ஓட்டம் வரும். அதற்கான திட்டத்தை மேற்கொள்வீர்கள். எதாவது சாதிக்க வேண்டும் என்ற எண்ண ஓட்டங்கள் மேலோங்கும்.

பாக்கியம்

சுக்கிரன் ஜூன் 29 முதல் ஜூலை 8ஆம் தேதி வரை சூரியனின் நட்சத்திரத்தில் பயணிப்பதால் நல்ல பாக்கியம் ஏற்படும். எந்த பாக்கியத்துக்காக இதுவரை காத்திருந்தீர்களோ அந்த பாக்கியங்கள் உங்களுக்கு கட்டாயமாக கிடைக்கும். நீண்ட நாட்களாக குழந்தை பாக்கியத்துக்காக காத்திருப்பவர்களுக்கு குழந்தை பாக்கியம் கிடைக்கும். குடும்பத்தில் மகிழ்ச்சி உண்டாகும். அபரிமிதமான சந்தோஷங்கள் ஏற்படும்.

உறவுகள்

காதல், திருமண பந்தம், குழந்தை பேறு என ஏதாவது ஒரு உறவு உங்கள் குடும்பத்தில் கண்டிப்பாக இணையும் அமைப்பு உள்ளது. ஜூலை 8 முதல் 20 ஆம் தேதி வரை சுக்கிரன் சந்திரனின் நட்சத்திரத்தில் பயணிப்பதால் மிகுந்த கவனமாக இருப்பது நல்லது. கணவன், மனைவிக்குள் அந்நியோன்யத்தை உருவாக்கிக் கொள்வது நல்லது. சண்டை, சச்சரவுகளை தவிர்ப்பது நல்லது. இந்த காலகட்டங்களில் கடன்களை தவிர்ப்பது, வாங்குவது, கொடுப்பது, வம்பு, வழக்குகளை தவிர்ப்பது நல்லது. எதிர்மறையான விஷயங்களைத் தவிர்த்துக் கொள்வது நல்லது.

திடீர் அதிர்ஷ்டம்

6, 8 இல் வலியைக் கொடுத்தாலும் திடீர் அதிர்ஷ்டங்களும் உண்டாகும். திடீர் இடமாற்றம், பதவி உயர்வு, புதிய வேலைவாய்ப்பு, வெளிநாட்டுக்குச் செல்லும் யோகம், பங்குச் சந்தையில் லாபம் வரும் அமைப்பு போன்ற எதிர்பார்க்காத யோகங்கள் கிடைக்கும். இருப்பினும், இந்த காலகட்டங்களில் விழிப்புணர்வுடன் இருப்பது நல்லது. ஜூலை 20 முதல் 25 வரை செவ்வாயில் சுக்கிரன் பயணிப்பதால் பூர்வீக சொத்து விவகாரங்கள், சொத்துப் பிரச்சனை, பாகப் பிரச்சனைக்குள் செல்லாமல் இருப்பது நல்லது. சுமூகமாக செல்வது நல்லது.