கவர்மென்ட் வேலை தேடிதேடி கண்கள் பூத்து விட்டதா?.. சரி விடுங்க.. நல்ல சம்பளத்தில் இதை பாருங்க!
சென்னை: படித்து முடித்துவிட்டு வேலை இல்லையா பிக் பாஸ்கட் எனும் சூப்பர் மார்கெட்டில் நல்ல சம்பளத்தில் பணியாற்ற அழைப்பு விடுக்கப்பட்டுள்ளது.
பிக்பாஸ்கெட் எனப்படும் ஆன்லைன் மளிகை பொருள்கள் விற்பனையகத்தில் பிக்கர் பணிகளுக்கான அறிவிக்கை வெளியாகியுள்ளது.
விநியோக மையம் அல்லது டெலிவரி பெறும் மையத்திலிருந்து பொருட்களை கொண்டு வருதல், அங்கிருந்து பொருட்களை ஏற்றி இறக்குதல், உள்ளிட்ட பணிகளுக்கான விண்ணப்பங்கள் வரவேற்கப்படுகின்றன.
இந்தபணிக்கு நிலைய உதவியாளர் என்பது பெயராகும். இதற்கு விண்ணப்பிக்கும் நபர் 10-ஆம் வகுப்போ அல்லது 12-ஆம் வகுப்போ தேர்ச்சி பெற்றிருத்தல் போதுமானது. ஆங்கிலம் படிக்கத் தெரிந்தால் போதும்.
மாத சம்பளமாக ரூ 10505 முதல் 11500 வரை கிடைக்கும். அது மட்டுமல்லாமல் ரூ 500 முதல் ரூ 1500 வரை ஊக்கத் தொகை கிடைக்கும். பிஎஃப், இஎஸ்ஐ உண்டு. லீவு போடாமல் வேலைக்கு வந்தால் ரூ 1000 வருகை பதிவேடு போனஸாக வழங்கப்படும்.
மாதம் ஆனால் சரியான தேதிக்கு வங்கிக் கணக்கிற்கு ஊதியம் டெபாசிட் செய்யப்படும். வாரத்திற்கு ஒரு நாள் ஓய்வு, மாதத்திற்கு ஒரு நாள் விடுப்பு உண்டு. கொரோனா பிரச்சினையால் உங்களுக்கு உணவு இலவசமாக வழங்கப்படும்.
லாக்டவுன் முடிந்தாலும் ஒரு நாளைக்கு உணவுக்கு என ரூ 15 மட்டுமே வசூலிக்கப்படும். 3 விதமான ஷிப்டுகள் உள்ளன. உங்கள் வசதிக்கேற்ப பணியாற்றலாம். அதாவது காலை 7 மணி முதல் 4 மணி வரை , 11.30 மணி முதல் இரவு 7 மணி வரை, இரவு 10 மணி முதல் அதிகாலை 6.30 மணி வரையும் 3 ஷிப்ட்டுகள் உள்ளன.
விருப்பமுள்ளவர்கள் நேரில் சென்று விண்ணப்பிக்கலாம். பணியாற்றும் இடத்திற்கே அழைத்து சென்று பயிற்சி அளிக்கப்படும்.