சென்ட்ரல் பேங்க் ஆஃப் இந்தியா வங்கியில் வேலை.. 4,500 பணியிடங்கள்.. டிகிரி தகுதி தான்.. செம சான்ஸ்!

சென்னை: சென்ட்ரல் பேங்க் ஆஃப் இந்தியா வங்கியில் (Central Bank of India) 4,500 அப்ரண்டிஸ் பணியிடங்களை நிரப்புவதற்கான அறிவிப்பு வெளியாகியுள்ளது. பட்டப்படிப்பு முடித்தவர்கள் இந்த பணிகளுக்கு விண்ணப்பிக்கலாம். தமிழகத்தில் மட்டும் 202 பணியிடங்கள் நிரப்பப்படுகின்றன. சென்னை, கோயம்புத்தூர், வேலூர், மதுரை, தூத்துக்குடி, கடலூர், விழுப்புரம் உள்ளிட்ட பல மாவட்டங்களில் காலிப்பணியிடங்கள் உள்ளன. இந்த பணியிடங்களுக்கு எப்படி விண்ணப்பிப்பது என்பது உள்ளிட்ட விவரங்களை இங்கு காணலாம்.

நாட்டின் மிகப் பழமையான பொதுத்துறை வங்கிகளில் ஒன்றான சென்ட்ரல் பேங்க் ஆஃப் இந்தியா வங்கி, நாடு முழுவதும் ஆயிரக்கணக்கான கிளைகளுடன் செயல்பட்டு வருகிறது. 1911-ஆம் ஆண்டு தொடங்கப்பட்ட இந்த வங்கி, இந்தியர்களால் முழுமையாக நிர்வகிக்கப்பட்ட முதல் வர்த்தக வங்கி என்ற பெருமையை பெற்றுள்ளது. தற்போது, 4,500 அப்ரண்டிஸ் பணியிடங்களை நிரப்புவதற்கான அறிவிப்பை வெளியிடப்பட்டுள்ளது.

தமிழகத்தில் எத்தனை பணியிடங்கள்?

மொத்தம் 4,500 அப்ரண்டிஸ் பணியிடங்கள் நாடு முழுவதும் உள்ள சென்ட்ரல் பேங்க் கிளைகளில் நிரப்பப்பட உள்ளன. இதில் தமிழ்நாட்டிற்கு மட்டும் 202 பணியிடங்கள் ஒதுக்கப்பட்டுள்ளன. சென்னை, கோயம்புத்தூர், வேலூர், மதுரை, தூத்துக்குடி, கடலூர், விழுப்புரம் உள்ளிட்ட பல மாவட்டங்களில் காலிப்பணியிடங்கள் உள்ளன.

கல்வித் தகுதி

ஏதேனும் ஒரு துறையில் பட்டப்படிப்பு (Degree) முடித்திருக்க வேண்டும். மேலும், 2022 ஜனவரி 1 அல்லது அதற்குப் பிறகு பட்டப்படிப்பை முடித்தவர்கள் மட்டுமே விண்ணப்பிக்க தகுதியானவர்கள்.

வயது வரம்பு

வயது வரம்பை பொறுத்தவரை 2026 மே 31-ஆம் தேதி நிலவரப்படி கணக்கில் கொள்ளப்படும். இதன்படி, குறைந்தபட்சம் 20 வயது நிரம்பியவர்களும், அதிகபட்சம் 28 வயதுக்குள் இருப்பவர்களும் விண்ணப்பிக்க முடியும். எஸ்சி, எஸ்டி பிரிவினருக்கு 5 ஆண்டுகளும், ஓபிசி பிரிவினருக்கு 3 ஆண்டுகளும் வயது தளர்வு வழங்கப்படும்.

சம்பளம் எவ்வளவு?

தேர்வு செய்யப்படும் அப்ரண்டிஸ்களுக்கு மாதம் ரூ.15,000 சம்பளமாக வழங்கப்படும்.

தேர்வு முறை

விண்ணப்பதாரர்கள் பின்வரும் நிலைகளின் அடிப்படையில் தேர்வு செய்யப்படுவார்கள்:

1. ஆன்லைன் எழுத்துத் தேர்வு (Online Examination)
2. உள்ளூர் மொழித் தேர்வு (Test of Local Language)

விண்ணப்பக் கட்டணம்

* SC/ST, மாற்றுத்திறனாளிகள், திருநங்கைகள் - ரூ.200
* OBC/EWS/General ஆண் விண்ணப்பதாரர்கள் - ரூ.800
* OBC/EWS/General பெண் விண்ணப்பதாரர்கள் - ரூ.600

ஆன்லைன் வழியில் மட்டுமே விண்ணப்பக் கட்டணத்தைச் செலுத்த வேண்டும்.

எப்படி விண்ணப்பிப்பது?

தகுதியுடைய விண்ணப்பதாரர்கள் 12.06.2026 முதல் 22.06.2026 வரை சென்ட்ரல் பேங்க் ஆஃப் இந்தியாவின் அதிகாரப்பூர்வ இணையதளமான https://centralbank.bank.in/ பக்கத்தில் உள்ள 'Careers' பகுதிக்குச் சென்று, அதிகாரப்பூர்வ அறிவிப்பில் வழங்கப்பட்டுள்ள வழிமுறைகளைப் படித்துப் பார்த்து ஆன்லைனில் விண்ணப்பிக்க வேண்டும்.

முக்கிய தேதிகள்

* ஆன்லைன் விண்ணப்பப் பதிவு தொடங்கும் நாள்: 12.06.2026
* ஆன்லைன் விண்ணப்பப் பதிவு முடிவடையும் நாள்: 22.06.2026

வங்கி துறையில் பணியாற்ற விரும்பும் பட்டதாரிகள் இந்த வாய்ப்பை தவறவிடாமல் பயன்படுத்திக் கொள்ளலாம். இது தற்காலிகமான ஒப்பந்த அடிப்படையிலான (Contract Basis) பயிற்சிப் பணியாகும்.

அதிகாரப்பூர்வ தேர்வு அறிவிப்பினை படிக்க: https://centralbank.bank.in/sites/default/files/Notification%20for%20the%20Engagement%20of%20Apprentices%20under%20the%20Apprentices%20%20Act%2C%201961%20for%20F.Y.%202026-27%20.pdf

English summary

Central Bank of India has invited online applications for 4,500 Apprentice posts across India. Graduates who completed their degree on or after January 1, 2022, are eligible. The application process started on June 12 and will close on June 22, 2026.