இந்து அறநிலையத்துறை அறிவித்துள்ள ஏராளமான வேலைவாய்ப்பு.. 18ம் தேதி சென்னையில் நேரடி நேர்காணல்

சென்னை : இந்து அறநிலையத்துறை சென்னை கொளத்தூரில் தொடங்கி உள்ள கல்லூரியில் உதவிப்பேராசிரியர்கள், உதவியாளர், இளநிலை உதவியாளர், காவலர், அலுவலக உதவியாளர் துப்புரவு பணியாளர் உள்பட பல்வேறு பணியிடங்களுக்கு ஆட்கள் தேவைப்படுகிறார்கள். வேலைக்கு சேர விரும்புவோர் வரும் 18ம் தேதி நேர்காணலில் நேரடியாக பங்கேற்கலாம்.

சென்னை மயிலாப்பூர் அருள்மிகு கபாலீசுவரர் திருக்கோயில் நிர்வாகம் சென்னை கொளத்தூரில் அருள்மிகு கபாலீசுவரர் கலை மற்றும் அறிவியல் கல்லூரியை தொடங்கி உள்ளது.

இந்து அறநிலையத்துறை இந்த கல்லூரியில் காலியாக உள்ள உதவிப்பேராசிரியர்கள் பணியிடங்களுக்கு தகுதியானவர்கள் விண்ணப்பிக்கலாம் என்று அறிவித்துள்ளது.

யாரெல்லாம் விண்ணப்பிக்கலாம்

என்னென்ன துறைகளுக்கு உதவி பேராசியர்கள் தேவை என்பதை இப்போது பார்ப்போம்: 1.B.COM, 2.BBA 3. BSC (COMPUTER SCIENCE), 4.BCA, 5.TAMIL, 6.ENGLISH, 7.MATHEMATICS, 8. PHYSICAL DIRECTOR, 9.LIBRARIAN ஆகிய துறைகளில் உதவிப்பேராசிரியர் பணியிடங்களுககு உரிய கல்வி தகுதி உள்ளவர்கள் நேரடியாக வரும் 18.10.2021 அன்று காலை 10 மணிக்கு அருள்மிகு கபாலீசுவரர் கலை மற்றும் அறிவியல் கல்லூரி, எவர்வின் மெட்ரிகுலேசன் மேல்நிலைப்பள்ளி, எஸ்ஜே அவின்யூ. கொளத்தூர் சென்னை- 99 முகவரிக்கு நேரடியாக வந்து நேர்முகத்தேர்வில் கலந்து கொள்ளலாம்.

சான்றிதழ்கள் அவசியம்

குறிப்பு: இந்துக்கள் மட்டுமே இந்த வேலைகளுக்கு விண்ணப்பிக்க முடியும். வேலைக்கு நேர்முகத்தேர்வில் பங்கேற்க வருபவர்கள் கையோடு 10ம் வகுப்பு, 12ம் வகுப்பு, இளங்கலை, முதுகலை பட்டப்படிப்பு படித்ததற்கான மதிப்பெண் சான்றிதழ்கள், மற்றும் பிஎச்டி, ஆசிரியர் தகுதி தேர்வில் வென்றதற்கான சான்றிதழ்கள் உள்பட படிப்பு சான்றிதழ்களை கொண்டு வாருங்கள்.

வேலைவாய்ப்பு

இதேபோல் சென்னை கொளத்தூரில் அருள்மிகு கபாலீசுவரர் கலை மற்றும் அறிவியல் கல்லூரியில் உதவியாளர் , இளநிலை உதவியாளர், காவலர், அலுவலக உதவியாளர், துப்புரவு பணியாளர் உள்பட பல்வேறு பணியிடங்களுக்கு வேலைவாய்ப்பு அறிவிப்பு அறிவிக்கப்பட்டுள்ளது.

சிறப்பு தகுதிகள்

உதவியாளர் அல்லது நிதியாளர் பணியிடத்திற்கு பிகாம் பட்டப்படிப்பு படித்திருக்க வேண்டும். இளநிலை உதவியாளர் பணியிடத்திற்கு தட்டச்சில் ஆங்கிலம் மற்றும் தமிழில் சீனியர் கிரேடு தேர்ச்சி பெற்றிருக்க வேண்டும். இல்லாவிட்டால் தட்டச்சில் தமிழில் சீனியர் கிரேடு மற்றும் ஆங்கிலத்தில் ஜூனியர் கிரேடு தேர்ச்சி பெற்றிருக்க வேண்டும்.

10 மணிக்கு நேர்காணல்

அலுவலக உதவியாளர் பணிக்கு 8ம் வகுப்பு தேர்ச்சி பெற்றிருக்க வேண்டும். துப்புரவு பணியாளர், காவலர் பணியிடங்களுக்கு தமிழில் எழுத படிக்க தெரிந்திருக்க வேண்டும். வேலைக்கு விண்ணப்பிக்க விரும்புவோர் உரிய சான்றிதழ்களுடன் நேரடியாக வரும் 18ம் தேதி கொளத்தூரில் உள்ள கல்லூரிக்கு காலை 10 மணிக்கு சென்று நேர்முகத்தேர்வில் பங்கேற்கலாம். இந்து மதத்தினர் மட்டுமே வேலைக்கு விண்ணப்பிக்க முடியும்.

English summary

job alert: arulmigu kapaleeswarar arts and science college jobs 2021 The Hindu Charitable Department is looking for people for various posts including Assistant Professors, Assistant, Bachelor Assistant, Police, Office Assistant, Cleaner, Multiplier in the College starting at Kolathur, Chennai. Those who want to join the job can participate directly in the interview on the 18th.