இந்நேரம் 90ஸ் கிட்ஸ்க்கு மட்டும் கல்யாணமாகி இருந்திருந்தா.. நாம 200 கோடியைக் கடந்திருப்போம்யா!

சென்னை: மக்கள் தொகையில் சீனாவை பின்னுக்குத் தள்ளி இந்தியா முதலிடத்துள்ளதை வைத்து மீம்ஸ் போட்டு வருகின்றனர் நெட்டிசன்கள்.

எந்தச் செய்தி ஊடகங்களில், சமூகவலைதளங்களில் பரபரப்பாக பேசப் படுகிறதோ, உடனே அதனை மீம்ஸ் போட்டு ஜமாய்த்து விடுகின்றனர் நம் மீமர்கள். அந்தவகையில் இப்போது அவர்களின் கையில் சிக்கியிருப்பது, இந்திய மக்கள்தொகை உயர்வு. எப்படியும் சீனாவை மக்கள்தொகையில் முந்தி விடுவோம் என்ற எதிர்பார்ப்பு கடந்த சில ஆண்டுகளாகவே இருந்து வந்தது.

கடந்தாண்டு இறுதியில் எப்படியும் 2023ல் இந்தியா உலகிலேயே அதிக மக்கள்தொகை கொண்ட நாடாக உயர்ந்துவிடும் என மற்ற நாடுகளே பேசும் அளவிற்கு நம் மக்கள்தொகை பெருக்கம் இருந்தது. அவர்களது நம்பிக்கை பொய்த்து போகாத அளவில், தற்போது ஐநாவே இந்தியாதான் உலகிலேயே அதிக மக்கள்தொகை கொண்ட நாடு என அதிகாரப்பூர்வமாக அறிவித்தும் விட்டது.

இதுவரை மக்கள்தொகையில் முதலிடத்தில் இருந்த சீனாவை 29 லட்சம் பேர் என்ற அளவில் பின்னுக்குத் தள்ளி, முதலிடத்தைப் பிடித்துள்ளது இந்தியா. பிறகென்ன, இந்தியாவின் இந்த சாதனையை வைத்து மீம்ஸ்களைப் பகிர்ந்து வருகின்றனர் நெட்டிசன்கள்.

இதோ அப்படியாக சமூகவலைதளப் பக்கங்களில் நம் கண்ணில்பட்ட சில நகைச்சுவையான மீம்ஸ்களின் தொகுப்பு உங்களுக்காக...

English summary

These are some jolly memes collection on India's population.