எதே நீ பேசுனா கத்தரி வெயிலுலயும் குளிருமா?.. உருட்டா இருந்தாலும் ஒரு நியாயம் வேணாமா?

வெயில் காலக் கொடுமைகளை மீம்ஸ் போட்டு புலம்பி வருகின்றனர் நெட்டிசன்கள்.

சென்னை: அக்னி நட்சத்திரம் முடிந்தும் வெயில் கொளுத்தி வருவதை நினைத்து, மீம்ஸ் போட்டு புலம்பி வருகின்றனர் நெட்டிசன்கள்.

வெயில் காலம் என்றாலே மக்கள் பயப்படுவது அக்னி நட்சத்திரத்தை நினைத்துத்தான். ஆனால் இந்தாண்டு அக்னி நட்சத்திரம் சமத்துப் பிள்ளையாக அதிகமாக மக்களைத் துன்புறுத்தாமல், ஆரம்பித்ததும் தெரியாமல், முடிந்ததும் தெரியாமல் வந்து போய்விட்டது. சரி, ஒரு வழியாக அக்னி நட்சத்திரம் முடிந்து விட்டது என மக்கள் நிம்மதிப் பெருமூச்சு விடலாம் எனப் பார்த்தால், வெயில் விடுவேனா என்கிறது.

அக்னி நட்சத்திரம் கோடை விடுமுறை எடுத்துக் கொண்ட வெயில், இப்போது ஓவர்டைம்மில் வேலை பார்க்கிறது போல. வெளியில் தலை காட்ட முடியாத அளவிற்கு வெயில் அப்படி கொளுத்துகிறது. நீர்த்தொட்டியில் அரிசியைக் கொட்டி வைத்தால், குழாயில் சாதமாக வடித்துக் கொள்ளலாம் போல, அந்தளவிற்கு இரவில்கூட சூடான நீர் தான் குழாய்களில் கொட்டுகிறது.

இப்படி வெயிலை வைத்து புலம்புவதற்கு ஆயிரம் காரணங்கள் இருக்கும்போது விடுவார்களா மீமர்கள். விதவிதமாக, ரகரகமாக மீம்ஸ்களாகப் பகிர்ந்து வெயிலின் கொடுமைகளை புலம்பி வருகின்றனர். புலம்பல் ரகம்தான் என்றாலும் படிக்க நகைச்சுவையாக இருக்கின்றன இந்த மீம்ஸ்கள்.

இதோ அப்படியாக சமூகவலைதளங்களில் அதிகம் பகிரப்பட்டு வரும் சில ஜாலி வெயில் மீம்ஸ்கள் உங்களுக்காக...

English summary

These are some jolly memes collection on summer.