நீ பார்க்கப்போற ரீல்ஸுக்கும், மீம்ஸுக்கும் ஐபோன் 16 ப்ரோ மேக்ஸ்லாம் தேவையா கோபி!

சென்னை : ஆப்பிள் நிறுவனம் புதிதாக அறிமுகப்படுத்தியுள்ள ஆப்பிள் ஐபோன் 16 சீரிஸ் மாடல்களை மீம்ஸ் போட்டுக் கலாய்த்து வருகின்றனர் நம் நெட்டிசன்கள்.

மார்க்கெட்டில் என்னதான் பல கம்பெனி போன்கள் இருந்தாலும், ஐபோனுக்கென தனி ரசிகர் வட்டம் இருக்கத்தான் செய்கிறது. ஆப்பிள் நிறுவனம் ஒவ்வொரு முறை புதிய ஐபோன் மாடல்களை அறிமுகப்படுத்தும் போதும், அதனை உடனே வாங்கிவிட வேண்டும் என வரிசையில் போய் நின்று விடுகின்றனர்.

அப்படி ஆப்பிள் ரசிகர்கள் அதிகம் எதிர்பார்த்த ஐபோன் 16 சீரிஸ் மாடல்களை ஆப்பிள் நிறுவனம் தற்போது வெளியிட்டுள்ளது. அதில், அடிப்படை மாடலான ஐபோன் 16, ஐபோன் 16 ப்ளஸ், ஐபோன் 16 ப்ரோ, ஐபோன் 16 ப்ரோ மேக்ஸ் என நான்கு மாடல்கள் அறிமுகப்படுத்தப்பட்டுள்ளன. செப்டம்பர் 13-ம் தேதி இந்தப் புதிய ஐபோன்களை முன்பதிவு செய்யலாம். செப்டம்பர் 20-ம் தேதி இந்த போன்கள் விற்பனைக்கு வரும் என ஆப்பிள் நிறுவனம் கூறியுள்ளது.

இந்தப் புதிய மாடல்களில் முந்தைய மாடல்களில் இருந்து சில சிறப்பு வசதிகளை ஆப்பிள் புதிதாக அப்டேட் செய்துள்ளது. என்னதான் பழைய மாடல்களில் இருந்து இந்தப் போன்கள் வேறுபட்டாலும், ஐபோன் 16 சீரிஸை எதிர்பார்த்தவர்களுக்கு அவை போதுமானதாக இல்லை. அதனால்தான், பழைய மாடல்கள் போலவே இதுவும் இருப்பதாக, மீம்ஸ் போட்டு கலாய்த்து வருகின்றனர்.

இதோ அப்படியாக நம் கண்ணில் பட்ட சில நகைச்சுவையான ஐபோன் 16 மீம்ஸ்களின் தொகுப்பு உங்களுக்காக...

English summary

Apple has finally launched the much-awaited iPhone 16 Series and social media platforms are now flooded with memes and jokes.