எனக்கு மட்டும் இந்நேரம் கல்யாணம் பண்ணி வச்சிருந்தா.. இன்னோரு 1000 ரூபா கிடைச்சிருக்கும்ல!

சென்னை: பொங்கல் பரிசுத் தொகை வாங்க ரேஷன் கடை வரிசையில் காத்திருக்கும் கேப்பில் மீம்ஸ்களாக அள்ளித் தெளித்து வருகின்றனர் நெட்டிசன்கள்.

இன்னும் சில தினங்களில் பொங்கல் பண்டிகை வர இருக்கிறது. பொங்கலுக்கு கிடைக்கும் தொடர் விடுமுறையில் ஊருக்குச் செல்ல திட்டம் போட்டிருப்பவர்கள்கூட, அதற்கு முன்னதாக அரசு தரும் பொங்கல் பரிசுத் தொகையை வாங்கி விடுவது என ரேஷன் கடைகளில் வரிசையில் நிற்கின்றனர். இதனால் ரேஷன் கடை வாசல்களில் வழக்கத்தைவிட பெரிய, நீளமான வரிசைகள் காணப்படுகின்றன.

இப்படி ரேஷன் கடைகளில் நிற்கும் நேரங்களில் மக்களுக்குப் போரடிக்கக்கூடாது என்ற நல்லெண்ணத்தில், பொங்கலை வைத்தும், இந்த பரிசுத் தொகையை வாங்க மக்கள் எடுக்கும் முயற்சிகளை வைத்தும் விதவிதமான நகைச்சுவையான மீம்ஸ்களை சமூகவலைதளங்களில் பகிர்ந்து வருகின்றனர்.

வழக்கமாக ரேஷன் கடைக்குச் செல்ல முகம் சுளிப்பவர்கள்கூட, இந்த ஆயிரம் ரூபாய்க்காக வீட்டில் ரேஷன் கார்டை தேடி வருவதாக மீம்ஸ் போட்டு கலாய்த்து வருகின்றனர் நெட்டிசன்கள். இதோ அப்படியாக நம் கண்ணில் பட்ட நகைச்சுவையான சில மீம்ஸ்களின் தொகுப்பு உங்களுக்காக...

English summary

These are some jolly memes collection on Pongal gift.