Memes: "மனுசன நிம்மதியா ஒரு பாப்கார்ன் திங்கவிடுறாங்களா?" தெறிக்கும் ஜிஎஸ்டி மீம்ஸ்!

Updated: Sunday, December 22, 2024, 0:01 [IST]

Subscribe to Oneindia Tamil

சென்னை: பாப்கார்னுக்கு வகை வாரியாக பிரித்து ஜிஎஸ்டி வரி போடப்பட்டிருப்பது விவாதங்களை கிளப்பி விட்டுள்ளது. ஸ்வீட் கேரமல் பாப்கார்னுக்கு 18% ஜிஎஸ்டி வரி விதிக்கப்பட்டிருப்பது தொடர்பாக சமூக வலைதளங்களில் மீம்ஸ் பறக்கின்றன.

ராஜஸ்தான் மாநிலம் ஜெய்சால்மரில், மத்திய நிதி அமைச்சர் நிர்மலா சீதாராமன் தலைமையில், சரக்கு மற்றும் சேவைகள் வரி (ஜிஎஸ்டி) கவுன்சிலின் 55வது கூட்டம் இன்று (டிசம்பர் 21) நடைபெற்றது. இந்த கூட்டத்தில், சுவையூட்டப்பட்ட பாப்கார்ன், பழைய கார் விற்பனை வரி உயர்வு உள்ளிட்ட பல முடிவுகள் மேற்கொள்ளப்பட்டன.

உப்பு மற்றும் மசாலாப் பொருட்களுடன் கூடிய பாப்கார்னுக்கு 5% ஜிஎஸ்டி விதிக்கப்படும் என்றும், பேக் செய்யப்பட்ட பாப்கார்னுக்கு 12% ஜிஎஸ்டி வரி விதிக்கப்படும் என்றும் கேரமல் பாப்கார்னுக்கு 18% வரி விதிக்கப்படும் என்றும் இந்த ஜிஎஸ்டி கூட்டத்தில் முடிவெடுக்கப்பட்டுள்ளது.

நாடு முழுவதும் ஒரே வரி விதிப்பை அமல்படுத்தும் ஜிஎஸ்டி வரிவிதிப்பு தற்போது அமலில் இருக்கிறது. நாடு முழுவதும் ஒரே வரி விதிப்பு என்றாலும், ஒவ்வொரு பொருளிலும், இவ்வாறு வேறு வேறாக வகை பிரித்து ஜிஎஸ்டி விதிக்கப்படுவது குழப்பங்களை ஏற்படுத்தி வருகிறது.

பாப்கார்ன் ஜிஎஸ்டி மீம்ஸ்

அண்மையில் இப்படித்தான் கிரீம் பன்னுக்கு விதிக்கப்பட்ட ஜிஎஸ்டி முறை, பெரியளவில் விவாதங்களைக் கிளப்பி இருந்தது. இந்நிலையில், பாப்கார்ன் ஜிஎஸ்டி பரபரப்பைக் கிளப்பி இருக்கிறது. இதுதொடர்பாக சமூக வலைதளங்களில் உலவும் சில மீம்களை பார்க்கலாம்.