இந்த மாசம் மட்டும்தான் செல்பி எடுப்பேன்.. இதே நினைப்புல அடுத்த மாசம் கண்ணுல பட்டுடாத!

சென்னை : ஞாயிறு என்றாலே அசைவம் சாப்பிட்டாக வேண்டும் என்ற எழுதப்படாத சட்டம் வைத்துள்ள நம் அசைவப் பிரியர்கள், இன்று புரட்டாசி ஞாயிறு என்பதால் அசைவம் சாப்பிட முடியாமல் போனதை நினைத்து, நினைத்து மீம்ஸ் போட்டு குமுறி வருகின்றனர்.

ஞாயிற்றுக்கிழமைக்கென ஆயிரம் வேலை இருந்தாலும், சாப்பாடு என வந்து விட்டால், அதற்குத்தான் முக்கியத்துவம் குடுப்பார்கள் நம் மக்கள். அதிலும் அசைவ உணவுப் பிரியர்களைப் பற்றிக் கேட்கவே வேண்டாம். ஞாயிற்றுக்கிழமை என்ன சாப்பிட வேண்டும் என்பதை அதற்கு முதல் வார ஞாயிற்றுக்கிழமையே மனதில் தீர்மானித்து விடுவார்கள்.

ஆனால் கடந்த சில வாரங்களாக ஞாயிற்றுக்கிழமைகளில் புரட்டாசி மாதத்தைக் காரணம் காட்டி, பல வீடுகளில் அசைவத்தை தவிர்த்து விடுகிறார்கள். வேறு வழியில்லாமல் இதற்கு நம் அசைவப் பிரியர்களும் ஒப்புக் கொண்டாலும், நாக்கும், மனதும் அவர்களது சொல்பேச்சைக் கேட்பதில்லை. அதனால்தான், மீம்ஸ் போட்டாவது தங்களது ஆதங்கத்தை தீர்த்துக் கொள்வோம் என சமூகவலைதளங்களில் மீம்ஸ் போட்டு புலம்பி வருகின்றனர்.

இதோ அப்படியாக நம் கண்ணில் பட்ட நகைச்சுவையான சில புரட்டாசி ஞாயிறு மீம்ஸ்களின் தொகுப்பு உங்களுக்காக...