• search
For Quick Alerts
ALLOW NOTIFICATIONS  
For Daily Alerts

ஆங்கிலக் கல்வி அவசியம் .. சபாநாயகர் பி.டி.ஆர்.

By Staff
|
கேள்வி - பதில்

கே: ராஜ்குமார் கடத்தல் விவகாரத்தை திரைப்படமாக எடுத்தால், அதில் கவுண்டமணி மற்றும் செந்தில்இருவருக்கும் எந்தெந்த கதாபாத்திரம் சரியாக இருக்கும்?

ப: கருணாநிதி, எஸ்.எம்.கிருஷ்ணா.

கே: லஞ்சம் என்றால் என்னவென்று கேட்கும் காலம் எப்போது வரும்?

ப: இப்போதே வந்துவிட்டதே! லஞ்சம் தருவதாகச் சொன்னால் - என்ன? வீடா, காரா,. ஃப்ளாட்டா, அயல்நாட்டுப்பணமா ... என்ன? என்று கேட்கிறவர்கள் நிறையப் பேர் இருக்கிறார்களே!

கே: விவசாயிகளுக்கு ஆதரவாக, மாஜி பிரதமர்கள் நடத்திய போராட்டம் பற்றி ... ?

ப; இந்த மாஜி பிரதமர்களின் கூட்டு, வர வர, எஸ்.டி.எஸ். கட்சி மாதிரி, முதியோர் சங்கமாகி வருகிறது. முதியோர்சங்க பொழுது போக்குகளில் ஒன்று - விவசாயி ஆதரவுப் போராட்டம்.

கே: வேலையில்லா இளைஞர்களுக்கு உதவித் தொகை இல்லை என்று மத்திய அரசு அறிவித்துள்ளதுபற்றி ... ?

ப: சரி, வேண்டாம். மந்திரி பதவி?

கே: சி.பி.ஐ. என்ன வானத்திலிருந்து குதித்தவர்களா என்று கேட்ட ஜெயலலிதாதான், இப்போதுராஜ்குமார் கடத்தல் பற்றி சி.பி.ஐ. விசாரணை வேண்டும் என்று கேட்கிறார் - என்று முதல்வர் கருணாநிதிகூறியிருப்பது பற்றி ... ?

ப: போலீசாரைக் குறை கூறியவர்கள், போலீசாரிடம் எந்த புகாருக்கும் போகக் கூடாது என்று சொல்ல முடியுமா?குறையுள்ள அமைப்பு என்ற கருத்து இருந்தாலும், இருக்கிற அமைப்பிடம்தானே கோரிக்கை வைக்க முடியும்?ரேஷன் கடையில் ஒரே மோசடி என்று சொன்ன ஆசாமி, ரேஷன் கடையில் எதையுமே வாங்கக்கூடாது - என்றுசொல்வது சரியாக இருக்குமா?

கே: பத்மனாபா, ராஜீவ் காந்தி ஆகியோரின் -படுகொலைக்குப் பிறகு விடுதலைப் புலிகள் மீதுஅனுதாபம் கொள்வதை விட்டுவிட்டோம் என்று கலைஞர் கருணாநிதி கூறியிருப்பது குறித்து ...?

ப: இல்லை. தவறான தகவலைத் துணிந்து தருகிறவர் முதல்வர். ராஜீவ் கொலைக்குப் பிறகும் கூட, அவர்விடுதலைப் புலிகளைப் பாராட்டியிருக்கிறார்: பிரபாகரனை புகழ்ந்திருக்கிறார்.

கே: சந்தனக் கடத்தல் வீரப்பன், ராஜ்குமாரை விடுவித்தது ஏன்? - என்று நெடுமாறனிடம் கேட்டதற்கு,அது மில்லியன் டாலர் கேள்வி என்று பதில் கூறுகிறாரே ... இதற்கு என்ன விளக்கம்?

ப: மில்லியன் டாலர் என்றால் நாலரை கோடி ரூபாய்தானே ஆகிறது?அவ்வளவு சீப்பாக முடிந்த விஷயமா இது?நம்ப முடியவில்லை.

கே: ராஜ்குமாரை மீட்டு வந்த குழுவில், பிராமணர்கள் யாரும் இல்லை. அதனால் எங்களைத் தாக்கிஎழுதுகிறார்கள் என்று கூறுகிறாரே பழ. நெடுமாறன்?

ப: ஏன் இதோடு நிறுத்தி விட்டார்? வீரப்பனும் பிராமணன் இல்லை: அவனோடு இருக்கும் தீவிரவாதிகளிலும்பிராமணர்கள் இல்லை:

அதனால்தான் அவன் செய்த ஜீவகாருண்ய செயல்களை கொலைகளாகவும், அந்த கூட்டத்தினர் செய்ய நினைக்கிறதர்ம கைங்கர்யங்களை நாச வேலைகளாகவும் சித்தரித்து எழுதுகிறார்கள் என்று சொல்லியிருந்தால் - அவருடையதேசியம் முழுமையாக பெற்றிருக்குமே!

கே: பா.ம.க. வின் நிலை, பெண்களுக்க 52 சதவிகிதம் இட ஒதுக்கீடு தர வேண்டும் என்பதே - என்றுடாக்டர் ராமதாஸ் கூறியிருப்பது பற்றி ...? இது நடக்குமா?

ப: இது நடக்காது என்பதில் அவருக்கு இருக்கிற தைரியத்தில், உங்களுக்கு கொஞ்சமாவது இருக்க வேண்டாமா?

கே: குரு இல்லாத வித்தை முழுமையடையாது என்பார்கள். அப்படியானால் அரசியலுக்கும் குருஅவசியம்தானே...?

ப: அவசியும்தான், அப்போதுதான் அவருக்கு துரோகம் செய்து, முதுகில் குத்தும் கலையில் முதலிலியே தேரச்சிபெறும் வாய்ப்பு சிஷ்யனுக்குக் கிட்டும்.

கே: அநியாயமான பல காரணங்களுக்காக, பல கட்சிகளிலிருந்து ஒதுக்தித் தள்ளப்பட்டவர்கள்அனைவருக்கும், மக்கள் தமிழ் தேசிய கட்சி பாசறையாக இருக்கிறது என்று அக்கட்சியின் தலைவர்கண்ணப்பன் கூறியுள்ளது பற்றி ...?

ப: என்ன இது? அனாதை இல்லமா நடத்துகிறார் இவர்?

கே:சரத் யாதவ் தலைமையினாலான ஐக்கிய ஜனதா தளம் கட்சி உடைந்து போய் விட்டது பற்றி?

ப: ஜனதா தளம் உடைகிறது என்று சொல்லாதீர்கள். உடைகிற காலமெல்லாம் போய் வருடங்கள் சில ஆகிவிட்டன.

இப்போதெல்லாம் அது பொடிப் பொடியாகிக் கொண்டிருக்கிறது. இன்னும் கொஞ்ச நாளில் அந்த துகள்கள்காற்றில் பறக்கும்.

கே: பாஸ்வானின் ஜனசக்தி கட்சி உதயமாகி உள்ளதே! இது நாட்டுக்கு என்ன செய்யப்போகிறது?

ப: ஆரம்பம் நாட்டு அரசியலுக்கு நல்ல சேவையாக இருக்கிறது: ஜனதா தளத்தை பொடித்துத்தானே இது ஆரம்பம்ஆகியிருக்கிறது! இக் கட்சி, தானும் பொடியாகும் போது இந்த ஆரம்ப சேவை. மேலும் பரிமளிக்கும்.

கே: வீரப்பன், விடுதலைப் புலிகளின் வவுனியா காட்டுக்குச் சென்று விட்டான் என்று வரும் செய்திகள்,எந்த அளவுக்கு உண்மை? உங்கள் கருத்து என்ன?

ப: அது அரசு ரகசியம், எனக்குத் தெரியாது.


திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

lok-sabha-home

 
 
 

நாள் முழுவதும் oneindia
செய்திகளை உடனுக்குடன் பெற

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more