• search

ஆங்கிலக் கல்வி அவசியம் .. சபாநாயகர் பி.டி.ஆர்.

By Staff
FOLLOW ONEINDIA TAMIL ON
For Quick Alerts
ALLOW NOTIFICATIONS
For Daily Alerts

    கேள்வி - பதில்

    கே: வாஸ்து சாஸ்திரப்படி கோட்டையின் (தலைமைச் செயலகம்) வாயிலை மாற்றி அமைத்தால்,தமிழகத்தில் நல்ல ஆட்சி கிடைக்க வாய்புண்டா?

    ப: வாஸ்து- வின்படி என்ன நடக்கிறது என்பது தெரியாது. வாஸ்தவமான நிலையின்படி, தமிழகத்தில் நல்லஆட்சிக்கு இப்போதைக்கு சான்ஸ் இல்லை.

    கே: சந்தன வீரப்பன் பிடியில் இருந்து ராஜ்குமாரை மீட்க தாமதம் ஏற்பட்டதற்கு, நக்கீரன் கோபாலேகாரணம். அவரை அனுப்பாமல் வேறு யாரையாவது அனுப்பியிருந்தால், சீக்கிரமாகவே ராஜ்குமாரைமீட்டு வந்திருப்பார்கள் என்று டாக்டர் ராமதாஸ் குற்றம் சாட்டியிருப்பது குறித்து ...?

    ப: நக்கீரன் ஆசிரியருக்கு தர்ம அடி கொடுப்பது இப்போது ஃபாஷன் ஆகிவிட்டது. இதில் நான் வேறு சேரவேண்டுமா?

    கே: போலி வாக்காளர்களுக்கு 3 ஆண்டு சிறை என்பது அதிகமான தண்டனையாக நீங்கள்கருதுகிறீர்களா?

    ப: போலி வாக்காளர்களின் ஓட்டுகள், மற்ற மக்களை 5 ஆண்டு சிறையில் தள்ளுகிறதே - அது பரவாயில்லையா?

    கே: தமிழக அரசு வீரப்பனை பிடிக்கும் நடவடிக்கையை எடுக்கிறாதா. அல்லது எடுப்பது போல்நடிக்கிறதா?

    ப: நடிப்பது போல் நடக்கிறது.

    கே; மத்திய அமைச்சர் முரசொலி மாறன், நல்லபடியாக உடல் நலம் தேறி வீடு வந்துள்ளது பற்றி ...?

    ப: விரைவில் அவர் பூரண குணமடையட்டும் என்று வேண்டிக் கொள்கிறேன்.

    கே: வாழப்பாடி, ராமதாஸ் இருவரும் தனித்தனியே பிரதமரை சந்தித்தார்களே! என்ன பேசிஇருப்பார்கள் ...?

    ப: இருவரும் ஒரே மாதிரிதான் பேசியிருப்பார்கள்: அவர் சொல்வதை நம்பாதீர்கள்.

    கே: சுப்ரீம் கோர்ட் தலைமை நீதிபதி ஆனந்தின் வயது குறித்த சர்ச்சையில், நீங்கள் எந்தப் பக்கம் ...?

    ப:எது உண்மை என்பது இறுதியாக வெளியாவதற்காகக் காத்திருப்பவர்கள் பக்கம்.

    கே: தமிழக அரசு தரும் கலைமாமணி விருது, வருடா வருடம் அதிகம் பேர்களுக்குக் கொடுக்கப்பட்டுவருவதாக எழுந்துள்ள குற்றச்சாட்டு பற்றி ...?

    ப: விருது பெறுகிறவர்களின் எண்ணிக்கை அதிகரிப்பதால், அந்த அளவுக்கு கலையில், இலக்கியத்தில் தமிழகம்வளர்ச்சி பெற்றிருக்கிறது. என்று அர்த்தம் என்று முதல்வர் பேசியிருக்கிறார்.

    இதே லாஜிக்படி பார்த்தால் - அரசு திட்டங்களினால் பயன்பெறும் ஏழைகள் எண்ணிக்கை இவ்வளவுகூடியிருக்கிறது என்று கணக்கு தரப்படுவதால், தமிழகத்தில் ஏழைகள் எண்ணிக்கை வளர்ச்சி பெற்று வருகிறதுஎன்றுதானே அர்த்தம்!

    கே: வால்மீகி கூட கொள்ளைக்காரணாகத்தான் இருந்தார். பிறகு மனம் மாறி ராமாயணம்எழதவில்லையா?அதை நாம் ஏற்றுக் கொள்ளவில்லையா? அது போல் வீரப்பனை ஏற்றுக் கொள்ளவேண்டும். என்று நெடுமாறன் கூறியிருப்பது பற்றி ...?

    ப: மெய் சிலிர்க்க வைக்கிற நியாயம்! அடுத்து அவரிடமிருந்து வரப்போகிற இதே மாதிரி அறிவு பூர்வமானநியாயவாதம் எதுவோ! மனைவியை வீட்டை விட்டுத் துரத்தினார் ராம்ர்; அவர் தெய்வமாக ஏற்கப்படவில்லையா?அதே போல் மனைவியை வீட்டை விட்டு துரத்தியவர்கள் எல்லோரையும் தெய்வங்களாக வழிபட வேண்டும்என்று சொல்வாரோ!


    பொருத்தமான வரன் தேடுகிறீர்களா? தமிழ்மேட்ரிமோனியில் பதிவு இலவசம்!

    நாள் முழுவதும் oneindia
    செய்திகளை உடனுக்குடன் பெற

    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more