கேபரேவுக்கு எதிராக புதுவையில் போராட்டம்

பாண்டிச்சேரி:

ஹோட்டல்களில் கேபரே நடனம் ஆடுவதைக் கண்டித்து பாண்டிச்சேரி அதிமுகவினர் சாலை மறியல் போராட்டம்நடத்தினர்.

பாண்டிச்சேரியில் உள்ள சில ஹோட்டல்களில் கலாசாரத்தை மீறி கேபரே நடன நகழ்ச்சிகள் நடத்தப்படுவதாகவும்,அதை அரசுதடை செய்ய வேண்டும் என்றும் அம்மாநில அதிமுக கோரிக்கை விடுத்து வருகிறது.

இந்த நிலையில், அதிமுக எம்.எல்.ஏக்கள் அன்பழகன், காசிலிங்கம் ஆகியோரது தலைமையில் அக்கட்சியினர்,300க்கும் மேற்பட்ட பெண்களுடன் பிரபல ஹோட்டல்கள் முன்பு ஆர்ப்பாட்டம் நடத்தினர்.

பின்னர் போக்குவரத்து நெரிசல் மிக்க அண்ணா சாலையில் அவர்கள் மறியலில் இறங்கினர். இதையடுத்துபோலீஸார் அனைவரையும் கைது செய்தனர்.