இன்று சூரிய கிரகணம்-அண்டார்டிகா, ஆஸ்திரேலியா, நியூசிலாந்தில் பார்க்கலாம்

பாரிஸ்: இன்று (வியாழக்கிழமை) சூரிய கிரகணம் ஏற்படவுள்ளது. இதை அண்டார்டிகா, ஆஸ்திரேலியா, நியூசிலாந்து நாடுகளில் மட்டுமே பார்க்க முடியும்.

பூமிக்கும் சூரியனுக்கும் இடையே நிலா நேர் கோட்டில் வருவது தான் சூரிய கிரகணம். இதனால் பூமியில் இருந்து பார்ப்பவர்களுக்கு நிலா மெல்ல மெல்ல தேய்ந்து ஒரு கட்டத்தில் நிலாவின் பின்னால் மறைந்து போகும். இதற்கு பல மதக் காரணங்கள் சொல்லப்படாலும் சூரிய கிரகணம் மிக அட்டகாசமான காட்சியாகும்.

இன்று ஏற்படும் சூரிய கிரகணம் முழுமையானது அல்ல. இதனால் சூரியன் முழு அளவில் மறையாது. இன்றைய கிரகணத்தை அண்டார்டிகாவில் முழுமையாக பார்க்க முடியும். தென் கிழக்கு ஆஸ்திரேலியாவிலும் நியூசிலாந்திலும் இதை அரைகுறையாக பார்க்க முடியும்.

21ல் சந்திர கிரகணம்:

அதேபோல வரும் 21ம் தேதி முழு சந்திர கிரகணம் ஏற்படவுள்ளது.

காலை 7.13 மணிக்கு தொடங்கி 8.56 மணிக்கு வரை இது நடக்கும். இதையும் இந்தியாவில் இருப்பவர்களால் காண இயலாது. அமெரிக்கா, மேற்கு ஐரோப்பா நாடுகளில் உள்ளவர்கள் மட்டுமே இதைக் காண முடியும்.

ஆகஸ்ட் 1ல் மீண்டும் சூரிய கிரகணம்:

மீண்டும் அடுத்த சூரிய கிரகணம் வரும் ஆகஸ்ட் 1ம் தேதி ஏற்படவுள்ளது. இதை ரஷ்யா, மங்கோலியா, சீனாவில் காண இயலும்.