• search
For Quick Alerts
ALLOW NOTIFICATIONS  
For Daily Alerts
Oneindia App Download

கூகுளுக்கு கடும் போட்டி தருவோம்-பில் கேட்ஸ்

By Staff
Google Oneindia Tamil News
Bill Gates
சியாட்டில்: யாகூவை வாங்க முடியாமல் போனாலும் கூகுளுடன் போட்டி போடும் வகையில் தனது சர்ச் என்ஜினை மேம்படுத்துவதில் மைக்ரோசாப்ட் தீவிரமாக இறங்கப் போவதாக பில் கேட்ஸ் அறிவித்துள்ளார்.

யாகூவை 1.6 லட்சம் கோடி அளவுக்கு விலைக்குக் கேட்டு வருகிறார் மைக்ரோசாப்ட் அதிபரான கேட்ஸ். ஆனால், இந்த விலை குறைவாக இருப்பதாகக் கூறி விற்க மறுத்து வருகிறது யாகூ.

இந் நிலையில் சியாட்டில் நகரில் ராய்ட்டர் நிறுவனத்துக்கு அவர் அளித்துள்ள பேட்டியில்,

யாகூவுக்கு மைக்ரோசாப்ட் நிர்ணயித்த விலை மிக நியாயமானது. இன்டர்நெட் சர்ச் விஷயத்தில் கூகுள் மட்டும் தான் இன்று மிக முன்னணியில் உள்ளது. சர்ச்சை அடிப்படையாகக் கொண்ட தொழிலில் கூகுளுடன் போட்டி போட வேண்டுமானால் முதலில் தனது சர்ச் என்ஜினை வலுப்படுத்தியாக வேண்டும்.

அதைச் செய்வதற்கான தொழில்நுட்ப, வர்த்தக பலம் மைக்ரோசாப்டுக்கு உண்டு. அதை யாகூவை வாங்கினாலும் வாங்காவிட்டாலும் செய்து காட்டுவோம்.

அதே நேரத்தில் இந்த விஷயத்தில் வேகமாக களமிறங்க யாகூவை வாங்குவது தான் எளிதான வழி. தனது ெதாழில்நுட்பத் திறத்தால் மிக அருமையான சர்ச் என்ஜினை யாகூ வடிவமைத்து வைத்துள்ளது. அதன் தொழில்நுட்ப வல்லுனர்களுடன் நாங்கள் கைகோர்த்தால் சர்ச் என்ஜின் சார்ந்த வர்த்தகத்தில் பெரும் போட்டியை உருவாக்க முடியும் என்றார்.

இதற்கிடையே யாகூவின் பங்குகளை வாங்க விலையை மைக்ரோசாப்ட் கொஞ்சம் உயர்த்தும் என்று கூறப்படுகிறது. ஒரு பங்குக்கு 31 டாலர் தர முன் வந்துள்ளது மைக்ரோசாப்ட். இதை யாகூ ஏற்க மறுப்பதால் அதை 35 டாலராக உயர்த்த கேட்ஸ் தயாராகி வருவதாகக் கூறப்படுகிறது.

 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X