ஐ.நா கூட்டத்தில் மன்மோகனை சந்திக்கிறார் சர்தாரி

இஸ்லாமாபாத்: ஐ.நா கூட்டத்தின்போது, பாகிஸ்தானின் புதிய அதிபர் சர்தாரி, பிரதமர் மன்மோகன் சிங்கை சந்தித்து பேசவுள்ளார்.

பாகிஸ்தானின் புதிய அதிபராக பாகிஸ்தான் மக்கள் கட்சி துணை தலைவர் ஆசிப் அலி ஜர்தாரி நேற்று பதவியேற்றுக் கொண்டார்.

இம்மாத இறுதியில் நடக்க உள்ள ஐ.நா. கூட்டத்தில் அவர் பங்கேற்கிறார். அப்போது பிரதமர் மன்மோகன் சிங்கை அவர் சந்தித்து பேசவுள்ளதாக தகவல்கள் வெளியாகியுள்ளன.

காஷ்மீர் விவகாரம் தொடர்பாக இந்தியாவுக்கு நற்செய்தி ஒன்றை விரைவில் கூறுவேன் என்று பதவியேற்பு விழாவில் ஜர்தாரி கூறியிருந்தார்.

இந் நிலையில் இந்தச் சந்திப்பு மிகுந்த முக்கியத்துவம் பெறுகிறது.

அமெரிக்கா அதிபர் புஷ்ஷையும் சர்தாரி சந்திக்கவுள்ளார்.