யுஎஸ் நாடாளுமன்றத்தில் அணு ஒப்பந்தம் தாக்கல்

வாஷிங்டன்: இந்திய-அமெரிக்க அணு ஒப்பந்தத்தை நிறைவேற்றுவதற்கான இறுதி நடவடிக்கையாக, அணு ஒப்பந்தத்துக்கு அனுமதி கோரி அதை அந்நாட்டு நாடாளுமன்றத்துக்கு அனுப்பியுள்ளார் அதிபர் ஜார்ஜ் புஷ்.

அமெரிக்காவுடனான அணு ஒப்பந்தத்துக்கு ஐஏஇஏ, என்எஸ்ஜி ஆகியவற்றில் ஒரு வழியாக அனுமதி கிடைத்துவிட்டது.

இப்போது அதற்கு அமெரிக்க நாடாளுமன்றம் ஒப்புதல் தர வேண்டும். இந்த ஒப்புதல் கிடைத்துவிட்டால் இரு நாடுகளும் ஒப்பந்தத்தில் கையெழுத்திடலாம்.

இந் நிலையில் ஒப்பந்தத்தை நாடாளுமன்றத்துக்கு அனுப்பி வைத்துள்ளார் புஷ்.

புஷ்ஷின் பதவிக் காலம் இந்தாண்டு இறுதிக்குள் முடிகிறது. அவரது அரசின் கடைசி நாடாளுமன்ற கூட்டத் தொடர் தற்போது நடந்து வருகிறது. இதையடுத்து தனது பதவிக் காலத்திலேயே ஒப்புதலைப் பெற்று ஒப்பந்தத்திலும் கையெழுத்திடுவதில் தீவிரமாக உள்ளார் புஷ்.